Мнягкуны вадь молу́скы (Mollusca) тото біолоґічный тип перворотых безхребтовых звірюв. Тип чинят 86,000 жывых видув, што чинит їх другым майвеликым типом по членкарях. Окрем того подля оцінок сут межи 60,000 и 100,000 закамінілых и дуже много неописаных жывых видув. Многі таксоны мнягкунув мало зглядовані.
Мнягкуны тото майвеликый морськый тип и чинит дас 23% уд ушыткых названых морськых орґанізмув. Они читаво ся рузнят, не лиш розміром и анатомічнов структуров, айбо и справованьом и біотопами; многі їх ґрупы сут прісноводні вадь даже наземні. Тип мнягкуны ся типово ділит на сім авадь вусям таксономічных класув, два з котрых сут цілково вымерші. Головоногі мнягкуны, такі ги каламарі, Sepiidae вадь вусямногы, сут єдныма з невролоґічно майрозвитых безхребтовых; майвеликі два жыві виды безхребтовых тото ґіґантськый тай колосалный каламарь. Черевоногі (чіґобіґы, слимакы, абалоны) сут майрузношерстым класом и чинят 80% ушыткых класифікованых мнягкунув.
Чотыри майуніверзалні рисы, дефінувучі сучасных мнягкунув, ото: мнягкоє тіло, котроє ся складат почти цілком из мускулув; мантія из великов заглубинов про дыханя тай выділеня; присутность радулы (кроме як у двостулковых); структура нервової системы. Попри сі ворошні елементы, мнягкуны мавут читаву морфолоґічну рузноту.
Етимолоґія Термін „молуск“ походит уд , котроє пушло уд посткласичного , уд „мнягкый“, першый раз ухоснованого Яном Йонстоном у Historiæ Naturalis (1650) на попис ґрупы головоножцюв. ся хосновало у класичнуй латині лиш ги якусник до слова „оріх“ и значило конкретный филь мнягкого оріха. Годно быти, ож Йонстон и пак Лінней хосновали у біолоґічнуй таксономії пуд вливом Арістотельового „мнягкі“ уд „мнягкый“, котроє вун хосновав у тому числі на Sepiidae.μαλάκια, μαλακός. Liddell, Henry George; Scott, Robert; A Greek–English Lexicon at the Perseus Project. Наука, штудувуча молускы, завто ся кличе малаколоґія.
Май давно ся сохтовало хосновати термін Molluscoida на удділеня звірячого царства, обсягувучоє плечоногых, міхувцюв и покрывникув, котрі гадано подабали на мнягкунув. Як ся теперькы знає, плечоногі, міхувці и мнягкуны вшыткі сут частьов клады лофотрохозоюв, айбо мавут дуже мало ворошного з покрывниками, того термін Molluscoida выйшов из хоснованя.Chisholm, Hugh, ed. (1911). Molluscoida. Encyclopædia Britannica. Vol. 18 (11th ed.). Cambridge University Press. p. 675.
Референції
Катеґорія:Біолоґія