Пло́ща вадь розло́га є в ґеометрії величина поверьхности. На хлопськый розум ся площа дає розуміти як число фарбы, котров мож пофарбити поверьхность у єден слуй. Площа є двавымірным аналоґом довготы кривої (котра є єдновымірнов концепційов) вадь обсягу (тривымірної концепції). Дві разні поверьхності годні мати єднаку площу.

Площа ся вымірює через порувняня фіґуры до квадратув даякого розміру. У Межинароднуй системі єдиниць (SI) стандартнов єдиницьов площі є квадратный мийтер (м2), рувный площі квадрата из сторонами довготов у єден мийтер.

Площа ся в словянськоязычных конвенціях означує великов латинськов буквов S; в анґліцькоязычных — великов латинськов A (уд „площа“).

Єдиниці выміру площі

Метричні єдиниці

Квадратный кілометер, 1 км² = 1,000,000 м² Гектар, 1 га = 10,000 м² Ар (сотка), 1 а = 100 м² Квадратный метерBureau International des Poids et Mesures Resolution 12 of the 11th meeting of the CGPM (1960) , retrieved 15 July 2012 Квадратный центіметер (сантиметер), 1 цм² = 0.0001 м² Квадратный міліметер, 1 мм² = 0.000001 м²

Імперські (британські/америцькі) єдиниці

Квадратный дюйм, 1 in² = 0.000645 м² Квадратный фут, 1 ft² = 144 in² = 0.09 м² Квадратный ярд, 1 yd² = 9 ft² = 0.84 м² Квадратна міля = 2,589,987.83 м² = 2.59 км²

Історичні єдиниці

Морґ (Середньовічна Европа), майчасто 1 морґ = 0,57 га = 5700 м² (пруськый морґ — 0.2553 га) Дуньом (Османська імперія), 1 дунам = 919.3 м² Арура (Стародавній Єгипет), 1 арура = 2735.29 м² Плефер (Візантія), 1 плефер = 1261.9 м² Унція (Римська імперія), 1 унція = 209.91 м² Юґер (Римська імперія), 1 юґер = 12 унцій = 2519 м² Центурія (Римська імперія), 1 центурія = 200 юґерув = 503800 м²

Референції