Birthdays the Beginning () (, Bāsudeizu za Biginingu) — игра у жанрови пісковниця и симулатор бога, розроблена TOYBOX и ARC SYSTEM WORKS при продуцентованёви Ясухіро Вады. Играч появлять ся у кубічному світови и мать переробити ёго рельеф, температуру и окружавущі условія так, жебы у ньӱм росли и розвивали ся различні формы живота, уд майпростых орґанізмӱв, до ростлин, динозаврӱв, ссавцьӱв и чоловіка. Игра уйшла на PC и PlayStation у 2017. році.
Концепція игры Играч не управлять истнотами вадь ростлинами напряму. Замісто того управлявучи условіями их живота, мінявучи температуру, высоту повирьхности, воду, и инноє. Играч робить простӱр де орґанізмы годни ся розмножати, появляти, еволуціоновати, мутовати, удмирати и розвивати. Продуцент игры Ясухіро Вада объясняв концепцію через интерес ид тому, як у цілому взникать живот на земли.
Игра представлять світ у виді ґіґантського куба, у межох котрого играч годен творити горы, низины, моря, островы и другі части рельефа. При тому сотвореный світ стає не просто декоративныв картов: переміна рельефа вплывать на клімат и тым самым на далшоє розвитя екосистемы.
Основный игровый цикл Игровый процес робить ся вокруг повторіня двох основных дійств: переміняти світ и гадковати за током часу. У зачатку играч зпирать час и терраформує повирьх земли, пак переводить світ у режим протіканя часу, и никать, як появлявуть ся орґанізмы и як ся розвивавуть. Пак играч изпирать ток часу, и вертать ся у режим терраформованя, аж треба перемінити глубину у морёви, покласти камінь теплини/студени и т.д.
Так игра фурт дає играчови переключати ся миже активным управлінём и никанём на резултаты свойых трудӱв. По мірі розвитя світа процес стає май продуманым и тяжкым, наприклад появліня єдного орґанізма годно привести ид появлінёви другого, а же пропаде якый ись вид, та то скорше всёго замітно повплывать на далші етапы розвитя.
Мікрорежим Мікрорежим — основный режим прямої взаємодії из світом. У нёму час ся изпирать, а играч дӱстає возмогу літати над зимлёв и міняти її повирьх. Основна дія то є пуднятя и пущаня блокӱв рельефа, дякувучи чому образувуть ся низины, горбы, горы, моря, озера, водопады и другі.
Пуднятя и пущаня земли мать наслідкы не лиш про візуалный вид карты. Рельеф изъязаный из температуров світа, пуднятя знижать ї, а понижіня чинить ї май великыв.
Ищи у мікрорежимови мож никати за уже екзістувущыми орґанізмами, збирати разні предметы, и удкрывати нові найдені формы живности. Потӱм орґанізм переносить ся у бібліотеку де указує ёго фото, назва, рекомендовані условія живота и друга информація за нёго.
Макрорежим Макрорежим — у нёму час опят занчинать ити, а играч не знаимать ся иппен редаґованём світа, ай никать за проходящыми у світови процесами. Ток часу мож ускоряти, авадь никати у режимови реалного часу.
Иппен у сёму режимови проходить бӱлша часть подій у екосистемі и світови. Орґанізмы появлявуть ся, удумиравуть, розпложувуть ся, а даколи щезавуть. У игрі суть спеціалні уповісткы за стан живых орґанізмӱв, позволявущі гадковати за перемінами у их популаціях.
У сӱжетному режимови играч проходить величезні уднуигрові періоды часу, аж до дакӱлкох міліардӱв рокӱв. При тому сись колосалный час изтискать ся до удносно короткого игрового процеса.
Рельеф и терраформованя Основный инструмент играча є міняня высоты блокӱв. Пуднятя их горі помагать творити горы и высоты, а опущаня долӱ, впадины и водні просторы. Позад кубічної системы світа каждоє такоє міняня є єдночасно локалным мінянём ландшафта и дарабом общої кліматично-ґеоґрафічної системы.
Терраформованя мать ограничіня у видови енерґії/здоровля аватара (тото є персонаж играча). Дійства тратять тот ресурс, и играч не годен цілый час провести за переставбов світа у мікрорежимови. Обы удновити енерґію треба перейти у макрорежим (режим де иде ток часу).
Спеціалні инструменты (тратять много енерґії) годни локално упростити вам пуднятя температуры — камінь тепла, и її понижіня — камінь студени, у межох 31x31 блокӱв. Усёго их є по 3 штукы, их мож класти, а пак по непотребі забирати и переміщати у другоє місто на карті.
Температура Температура — єден из майважных параметрӱв у Birthdays the Beginning. Она опереділять які истноты годни жити у разных частях світа. Тому играчови приходить ся не лиш ставбити красный ландшафт, а и урахововати кліматичні наслідкы.
Самої лиш ґлобалної температуры мало про еволуцію, у світі суть многі локалні удмінности у температурі, тому самої лиш сериднёї температуры по світови не є доста про появліня нового орґанізма вадь ёго розвитя. Даколи ліпше учинити уддільну область — наприклад невеликого розміра низину близко ид водоємови.
Тому міняня температуры стає єдныв из главных стратеґічных механік. Играч годен сотворити условія про еволуцію єдного орґанізма, а дале пак изпозоровати як тоты переміны учинили тото місто не май ипным про другый орґанізм.
Вода и вогкость Вода — є ищи єдным важным елементом околища. Знижувучи высоту блокӱв, играч годен творити моря, озера, и прочі водні обводы, а спеціалні предметы давуть возмогу робити прісну воду и рікы. Исе необходно про формована ипных условій про разні орґанізмы.
Розличавуть ся условія, изъязані из водов и вогкостёв суши. Тому даже при пудходящӱв температурі орґанізм годен не появити ся, кідь поблизь ниє затрібованого типа водного простора, авадь кідь ниє доста вогкости.
Орґанізмы У игрі екзістує 292 виды орґанізмӱв. Исе число включать разні формы живого, появлявущі ся на протязі розвитя світа. Они обсягавуть величезный діапазон − уд ранньых протозойӱв до динозаврӱв, ссавцьӱв и чоловіка.https://www.4gamer.net
Каждый орґанізм мать свої условія появліня. Сереґ них годни урахововати ся температура, вогкость, тип окружіня и наявность другых орґанізмӱв, мусайных про удповідный етап розвоя. Тому удкрытя нового вида представлять собов не просто трафункову находку, а резултат сотворіня опереділеної комбінації условій.https://pixelkin.org/2017/05/09/birthdays-the-beginning-rewiew-biology-in-a-box/
Еволуція Еволучна система — главна часть игры. Нові орґанізмы изъязані миже собов поступностёв розвоя, а появліня нового вида часто удкрывать путь ид появлінёви слідувущого. Резултатом, играч пробує провести живӱт свого світа через разні етапы еволучної історії.https://www.pcgamer.com/birthdays-the-beginnings-is-a-sandbox-adventure-from-harvest-moon-creator-yasuhiro-wada/
У игрі суть уложені иппен и спеціалні предметы што помогавуть появляти ся новым видам живого, то суть сімня еволуції тай сімня мутації.https://www.destructoid.com/reviews/review-birthdays-the-beginning/
Даже при сотворінёви ипної про еволуцію и мутацію бывалної базы, не є ґарантовано ож ваш вид розовье ся у новый (еволуціонує вадь мутує). Вид годен обстати ся тым же, при катаклізмах и зовсім, щезнути путём удумираня.https://www.outcyders.net/review/birthdays-the-beginning-review-open-door-get-on-floor-everyone-evolve-that-dinosaur
Поживовый ланц и удумираня Орґанізмы у игрі образувуть общу екосистему. Появліня ци заникнутя єдного вида годно вплывати на другі виды, особно же они зависять уд нёго ге уд жрідла поживы. Того сотворіня нового орґанізма часто призводить ид непожаданым наслідкам на уж екзістувущу екосистему.https://simplybinge.com/2017/05/game-review-birthdays-the-beginning/
Исе особно важно у сӱжетному режимови: кідь мусайный про далшый розвой орґанізм удумирать, та пак послідувущі етапы еволуції годни быти недоступными. Играчови приходить ся ренововати пережі условія авадь вертати пропавшый вид.https://www.gamespot.com/reviews/birthdays-the-beginning-review/1900-6416685/
Бібліотека орґанізмӱв Каждый найденый и удкрытый орґанізм заносить ся у спеціалну бібліотеку. У ньӱв играч може проникововати информацію за зобраті формы живого и хосновати ї про розуміня далшого розвоя свої екосистемы.https://pixelkin.org/2017/05/09/birthdays-the-beginning-review-biology-in-a-box/
Бібліотека помалы стає ся робити у своєобразный каталоґ еволучної історії вашого світа. Айбо система гляданя истнот не є идеална: дакотрі обзоры удмічали, ож по мірі прохождіня стає тяжко так скоро ге сперед тым, находити якыйись орґанізм и опереділяти трібованя ищи не найденых видӱв.https://www.playstationlifestyle.net/review/568373-birthdays-the-beginning-review-an-evolutionary-paradox-ps4/
Колекціонованя орґанізмӱв Пӱсля появліня нового орґанізма ёго треба найти на самӱв земли. Играч мать приблизити ся ид нёму у мікрорежимови и зфотькати го, пӱсля чого информація за истноту заносить ся у бібліотеку. Ото перештацовує назираня за еволуціёв ищи и у интересну систему збора информації за вашу планету.
Колекціонованя ото єдна из довгодобых цілий игры: офіціалні матеріалы при розробці прямо пудкреслёвали наявнӱсть почти 300 разных орґанізмӱв, а потӱм розробник быв уточнив точноє число — 292.https://www.4gamer.net/games/353/G035395/20170123085/
Предметы Окрем переміняня рельефа, играч одержує вышеописані спеціалні предметы, которі позволявуть прискоряти вадь облегчати многі процесы. Среґ них є и такі, што зъязані из появлінёсм орґанізмӱв, еволуціёв (сімня еволуції) вадь перемінянём простора вокруг. Дакотрі предметы особно хосенні товды, кой природноє появліня трібного вида занимать забарз много часу.https://www.destructoid.com/reviews/review-birthdays-the-beginning/
Хоснованя предметӱв лишать ся доповнитильным инструментом, а не мусайныв основоі игры. У дакотрых упробованях их хоснованя ограничує ся вадь стає нежаданым, того играчови приходить ся бізовати ся на основно своє управліня екосистемов.https://www.outcyders.net/review/birthdays-the-beginning-review-open-door-get-on-floor-everyone-evolve-that-dinosaur
Игровый режим
Розмір світа
Игровый час
Взаємодійство орґанізмӱв
Управліня
Візуал
Сотворіня игры
Значіня игры
Приятя
Удкликованя
Катеґорія:Статї обсягуючі японьскый языковый текст Катеґорія:Бавкы про ПК Катеґорія:Гры Катеґорія:Гры про PlayStation 4 Катеґорія:Гры про Nintendo Switch Катеґорія:Основаны 2018 Катеґорія:Основаны 2017