miniaturadeimagen|Modesta, curtiumetraxe completu (35' 55"). Modesta ye un curtiumetraxe de 1956 creáu en Puertu Ricu y protagonizáu por Antonia Hidalgo y Juan Ortiz Jiménez, premiáu nel Festival Internacional de Cine de Venecia.
Sinopsis Tratase d'un manifiestu feminista con toques risibles ambientáu en Puertu Ricu. Modesta, una muyer llabradora, rebélase y llidera una fuelga de muyeres contra l'autoritarismu de los sos maríos. Funda la Lliga de Muyeres Lliberaes para lluchar polos sos derechos y ellabora una llista de demandes como la erradicación de la violencia doméstica, la participación de los homes nes xeres del llar varios díes a la selmana y la responsabilidá compartida nel cuidu de los fíos.
Producción La película foi adautada por Benjamin Doniger, Luis A. Maisonet y René Marqués a partir d'una hestoria de Domingo Silas Ortiz. Foi producida por DIVEDCO. Foi dirixida por Doniger.
El curtiumetraxe foi rodáu en castellanu. El cartelu promocional foi realizáu por Lorenzo Homar.
Legáu Modesta ganó'l primer llugar na categoría de películes curties nel Festival de Cine de Venecia en 1956. El curtiumetraxe tenía un enfoque progresista para la so dómina.
En 1998, por ser "cultural, histórica o estéticamente significativa" Modesta foi escoyida para la so preservación nel Rexistru Nacional de Cine de los Estaos Xuníos pola Biblioteca del Congresu, convirtiéndose nuna de les poques películes llatines en recibir esi honor. Amás pasó a dominiu públicu.
Referencies
Enllaces esternos
Categoría:Películes feministes Categoría:Derechos llaborales