Усходне-Парыжскі ўніверсітэт () — французская асацыяцыя вышэйшых навучальных, даследчых і культурных устаноў Парыжа і сталічнага рэгіёна Іль-дэ-Франс; так званы «калектыўны ўніверсітэт», удзельнікі якога захоўваюць сваю юрыдычную, фінансавую і іншую самастойнасць.
Агульная характарыстыка Цэнтр даследаванняў і вышэйшай адукацыі «Усходне-Парыжскі ўніверсітэт» быў афіцыйна створаны 22 сакавіка 2007 года як дзяржаўная ўстанова навуковага супрацоўніцтва. Яго заснавальнікамі тады былі Усходне-Парыжскі ўніверсітэт Марн-ла-Вале і Нацыянальная школа мастоў і дарог. Статут быў зменены ў красавіку 2012 года з даданнем новых удзельнікаў-заснавальнікаў, сярод якіх Універсітэт Парыж-Усход — Крэтэй — Валь-дэ-Марн, Французскі інстытут транспартных, планавых і сеткавых навук і тэхналогій, Альфортаўская нацыянальная ветэрынарная школа і інш. У адпаведнасці з законам аб вышэйшай адукацыі і навуковых даследаваннях, Усходне-Парыжскі ўніверсітэт з 1 сакавіка 2015 года ператвараецца ў супольнасць універсітэтаў і ўстаноў. 1 снежня 2020 года Усходне-Парыжскі ўніверсітэт ператвараецца ў эксперыментальны калектыўны ўніверсітэт. Зліццё двух універсітэтаў планавалася ў 2017 годзе, але было прыпынена ў 2016 годзе.
Структура
Удзельнікі-заснавальнікі Універсітэт Парыж-Усход — Крэтэй — Валь-дэ-Марн Універсітэт імя Густава Эйфеля Нацыянальная школа мастоў і дарог Альфортаўская нацыянальная ветэрынарная школа
Асацыяваныя ўдзельнікі Парыжская школа інжынераў Усходне-Парыжская школа гарадской і тэрытарыяльнай архітэктуры Парыжска-Бельвільская нацыянальная школа архітэктуры Спецыялізаваная школа грамадскіх работ, будаўніцтва і прамысловасці
Спасылкі Афіцыйны сайт установы
Катэгорыя:Навучальныя ўстановы з французскай мовай навучання Катэгорыя:Універсітэты Парыжа Катэгорыя:Асацыяцыі ВНУ