Залаты мільярд — метафара, якая выкарыстоўваецца ў публіцыстыцы постсавецкай прасторы для абазначэння насельніцтва самых багатых і развітых краін і адлюстроўвае дысбаланс ва ўзроўні жыцця і спажывання паміж імі і краінамі, якія развіваюццаЗолотой миллиард // Экономический словарьЗолотой миллиард // Национальная энциклопедическая служба России . Можа быць адным з сінонімаў паняцця краіны з высокім узроўнем даходаў насельніцтва.
Сяргей Кара-Мурза ў 1999 годзе адзначыў: «Апошнім часам на Захадзе тэрмін „залаты мільярд“ набыў шырокае хаджэнне і стаў азначаць насельніцтва краін „першага свету“, якія ўваходзяць у Арганізацыю эканамічнага супрацоўніцтва і развіцця»Кара-Мурза С. Концепция «золотого миллиарда» и Новый мировой порядок. — 1999..
Пры гэтым трэба разумець, што тэрмін «краіны першага свету» ў пачатку XXI стагоддзя часта памылкова выкарыстоўваўся для спасылак на эканамічна развітыя краіны, што ўносіць некаторую блытаніну. У АЭСР цяпер уваходзяць Мексіка, Калумбія і Коста-Рыка, якія не адносяцца да развітых краін.
Гнасеалагічна тэрмін «залаты мільярд» зыходзіць з пасылак мальтузіянства, а таксама даклада Рымскага клуба «Межы росту» (1972)Цыт. паводле: Виталий Бабенко. Золотая десятка // Наука и жизнь. — 2001. — № 11.. Назва першапачаткова была звязана з сумарнай колькасцю насельніцтва развітых капіталістычных краін: ЗША (311 млн.), Канада (34,3 млн.), Аўстралія (22,6 млн.), краіны Еўрасаюза (28 краін, сумарна 500 млн.), Японія (127,4 млн.), а таксама Ізраіль, Паўднёвая Карэя, — і з перспектывамі яе стабілізацыі ў XXI стагоддзіWorld Population to 2300 / United Nations, Department of Economic and Social Affairs Population Division. — New York, 2004. PDFWorld Population Prospects, the 2010 Revision / United Nations, Department of Economic and Social Affairs Population Division. PDF . У XXI стагоддзі, у сувязі з глабалізацыяй і ростам сацыяльнай няроўнасці нават у развітых краінах, усё часцей «залаты мільярд» супастаўляюць з паняццем сусветнага «сярэдняга класа», з праслойкай насельніцтва Зямлі, якая валодае даходамі на ўзроўні «сярэдняга класа» і вышэй.
Літаратура
Credit Suisse. Global Wealth Report 2015 Д. и Д. Медоуз. Пределы роста. 30 лет спустя = Limits to growth.The 30-year update. — М.: Академкнига, 2007. — 342 с. — ISBN 978-5-94628-218-5. Даймонд Джаред. Коллапс = Collaps: How Societies Choose to Fail or Succeed. — М.: АСТ Москва, 2008. — 768 с. — ISBN 978-5-9713-8389-5.
Катэгорыя:Ідэалагічныя клішэ