Камбалападобныя (Pleuronectiformes) — атрад касцістых рыб.

Апісанне Донныя рыбы. Даўжыня ад 5 см да 4,7 м, маса ад некалькіх грамаў да 330 кг. Цела несіметрычнае, пляскатае, шырокае і кароткае. Вочы на адным (правым або левым) баку галавы. Плавальнага пузыра, за рэдкім выключэннем, няма. Брушны бок цела слаба пігментаваны, спінны здольны зменьваць афарбоўку пад колер грунту. Спінны і анальны плаўнікі доўгія.

Пашырэнне Пашыраны ў акіянах. Большасць відаў жыве ў тропіках і субтропіках у прыбярэжнай зоне, зрэдку на глыбінях больш за 1 км; некаторыя заходзяць у рэкі.

Падзяляюцца на 3 падатрады. Вылучаецца каля 500 відаў. Падатрад плеўранектападобныя мае найбольшую колькасць прамысловых відаў, самае прадстаўнічае сямейства . Найбольш тыповыя рыбы — ліманды, марскія і рачныя камбалы, марскія языкі, палтусы.

Асаблівасці біялогіі Кормяцца доннымі беспазваночнымі, некаторыя рыбай. Пе­рамяшчаюцца лежачы на сляпым баку; пры лоўлі здабычы ў тоўшчы вады або ратуючыся ад драпежнікаў паварочваюцца на раб­ро (спіной уверх).

Ікрынкі, як пра­віла, пе­ла­гічныя, дыяметрам 0,5–4,5 мм. Лічынкі празрыстыя, валодаюць двухбаковай сіметрыяй; па ме­ры раз­віцця апускаюцца ў бо­льш глыбокія слаі вады, пры гэтым адбываецца ме­та­мар­фоз.

Літаратура

Катэгорыя:Атрады прамянёвапёрых рыб