Падво́дныя ло́дкі ты́пу I — серыя дызель-электрычных падводных лодак Трэцяга рэйха. Усяго было пабудавана дзве лодкі дадзенага тыпу ў перыяд з 1935 па 1936 гг., U-25 і U-26. Абедзве лодкі былі выраблены ў Брэмене на верфі Deschimag. Абедзве лодкі да пачатку Другой сусветнай вайны выкарыстоўваліся як навучальныя, іх ужыванне ў актыўных баявых дзеяннях не прадугледжвалася з-за таго, што лодкамі было вельмі цяжка кіраваць на вялікіх глыбінях. Аднак з-за недахопу ў крыгсмарынэ субмарын лодкі ўсё ж прынялі актыўны ўдзел у вайне — U-25 з 1940, U-26 з 1939 года.
Меркавалася, што пасля трэніровак на ПЛ тыпу I у падводнікаў не паўстане праблем з іншымі тыпамі ПЛ, якія былі больш манеўраныя.
U-25 здзейсніла пяць баявых паходаў, прыняла ўдзел у Дацка-Нарвежскай аперацыі па захопу Даніі, лодка загінула 1 жніўня 1940 года на міне. U-26 здзейсніла сем баявых паходаў, 1 ліпеня 1940 была патоплена англійскай бомбай, увесь экіпаж (48 чалавек) быў выратаваны саюзнікамі.
Гл. таксама Класы нямецкіх падводных лодак
Катэгорыя:Падводныя лодкі Германіі