За час акупацыі амаль усе яўрэі Ганцавіцкага раёна былі забітыя. Паводле архіўных звестак, толькі вакол Ганцавічаў знаходзіцца больш за 200 яўрэйскіх пахаванняўИ. Разумовский. Восстановлены фамилии расстрелянных евреев . Сярод сотняў такіх выпадкаў наступныя. У вёсцы Малькавічы ў ліпені 1941 года сабралі ўсіх яўрэяў — каля 200 чалавек, у тым ліку жанчын і дзяцей, — і расстралялі — а выратаваліся з усёй вёскі змаглі толькі тры чалавекі. У вёсцы Хатынічы ў пачатку жніўня 1941 года прыехалі кавалерысты-карнікі, забралі ўсіх яўрэяў і забілі іх на 10-м кіламетры дарогі ў бок ГанцавічаўА. Литвин. Убийцы .
Акупацыйныя ўлады, рэалізуючы гітлераўскую праграму знішчэння яўрэяў, стварылі на тэрыторыі раёна гета, якое функцыянальна ўяўляла сабой рабочы лагер, у горадзе Ганцавічы. Там з часу акупацыі да 14 жніўня 1942 былі забітыя тысячы чалавек.
Па дадзеных НДК, непасрэдна арганізоўвалі і праводзілі масавыя забойствы ў Ганцавічах і раёне гебіцкамісары Ганцавіцкага гебіта (абласной акругі) Мілер, Опіц і Шварцэрштайн (Шварцэрштайнер), работнікі паліцэйскага ўпраўлення Кульвіц, Філіповіч, Урбановіч, Цалевіч, Гатоўчыц Канстанцін, Занцэвіч Уладзімір, Шараў, Баўна Рыгор, Міхайловіч, Літвіненка Уладзімір, Барысаў, Ярашэня Міхаіл, Харытонавіч Анатоль АнтонавічЗональный государственный архив в Пинске. — фонд 118, опись 1, дело 35, лист 1.
У сярэдзіне 1960-х гадоў астанкі ахвяр генацыду яўрэяў з усіх вядомых расстрэльных ям у Ганцавічах і каля іх былі перапахаваныя ў магіле на вуліцы Гагарына, і на гэтым месцы быў пастаўлены помнік. У 1970-я гады ў сувязі з забудовай вуліцы прах забітых і помнік былі перанесены ў паўночна-ўсходнюю частку гарадскіх могілак.
Помнік яўрэям, якія загінулі пры паўстанні ў Ганцавічах, чые месцы пахаванняў невядомыя, усталяваны на яўрэйскіх могілках у вёсцы Ленін (Жыткавіцкі раён).
Крыніцы
Літаратура
Ганцавіцкі раён Катэгорыя:Гісторыя Ганцавіцкага раёна