Францішак Ксаверый Чарноцкі () — ураднік Вялікага Княства Літоўскага, падстолі віцебскі (1783), пазней ротмістр віцебскі.
Біяграфія Сын Андрэя Чарноцкага і Ганны з Бялінскіх. Продкі гэтай галіны роду Чарноцкіх паходзілі з Палясся і Падляшша, аднак з пачатку XVIII стагоддзя трывала аселі ў Мінскім і Навагрудскім ваяводствах ВКЛ. Прадзед, Ян Мнішак Чарноцкі, у 1704 годзе набыў маёнтак Ляды пад Мінскам.
Бацька меў чацвёра братоў, і паколькі радавы маёнтак Ляды давялося дзяліць паміж шматлікімі спадчыннікамі, Францыск быў вымушаны самастойна пашыраць сямейныя ўладанні. Гэта падштурхнула яго да куплі новых зямель у Навагрудскім ваяводстве (у тым ліку Лецяшына ў 1788 годзе і Начы ў 1798 годзе).
Калі ён купіў Лецяшын і Савічы, там яшчэ не было адпаведных жылых дамоў і адбывалася вялікае будаўніцтва. Таму ён часова арэндаваў у князёў Радзівілаў суседні фальварак Заракаўцы, які размяшчаўся акурат пасярэдзіне паміж яго новымі маёнткамі, і кіраваў працамі адтуль.
У шлюбе са Схаластыкай з Даўгялаў меў дачок Фларэнціну і Юлію, сыноў Міхала і Караля. Міхал Чарноцкі (1784—1861) атрымаў у спадчыну маёнтак Нача. Караль Чарноцкі (1793—1870) атрымаў у спадчыну Лецяшын.
Спасылкі radzima.org