Рудольф Казлоўскі (, 11 ліпеня 1908, Ракішкі — 15 сакавіка 1977, Кракаў) — польскі рэстаўратар.
Біяграфія Скончыў польскую гімназію ў літоўскім Панявежы і ў 1927 годзе выехаў у Кракаў, адначасова атрымаўшы польскае грамадзянства. У 1932 годзе скончыў кракаўскую Дзяржаўную школу дэкаратыўнага мастацтва і мастацкай прамысловасці, а ў 1937 годзе кракаўскую Акадэмію мастацтваў у майстэрні Фрыдэрыка Паўча. У 1935 годзе пачаў працаваць на Вавелі ў Кіраўніцтве аднаўлення Каралеўскага замка. У перыяд нямецкай акупацыі быў памочнікам рэстаўратара на Вавелі, таксама дзейнічаў у падполлі, распаўсюджваючы газету «».
У 1949 годзе заняў пасаду кіраўніка рэстаўрацыйных майстэрняў Дзяржаўных мастацкіх збораў на Вавелі, затым галоўнага музейнага рэстаўратара. Акрамя таго, з 1958 года кіраваў, як надзвычайны прафесар, Кафедрай тэхналогіі і тэарэтычнай кансервацыі Люблінскага каталіцкага ўніверсітэта.
Кіраваў ліквідацыяй ваенных разбурэнняў у Марыяцкай капліцы і рэстаўрацыяй насценнага жывапісу ў капліцы Святога Крыжа. У 1948–1952 гадах праводзіў тэхналагічныя даследаванні і рэстаўрацыю абраза Маці Божай Чэнстахоўскай, вызначыўшы час стварэння цяперашняй версіі абраза каля 1430 года, а першаўзору — на перыяд паміж VII і IX стагоддзямі. Праводзіў таксама даследаванні сапраўднасці так званага Збруцкага ідала, лічачы, што статуя была закапана яго паслядоўнікамі, а ў Збручы апынулася ў выніку зруху рэчышча ракі. Рэстаўраваў таксама аб'екты, вынятыя ў 1973 годзе з магілы караля Казіміра IV Ягелончыка, а ў 1952 годзе — Даму з гарнастаем. Пахаваны на Ракавіцкіх магілках.
Крыніцы
Бібліяграфія
Катэгорыя:Польскія рэстаўратары Катэгорыя:Выкладчыкі Люблінскага каталіцкага ўніверсітэта Катэгорыя:Нарадзіліся ў 1908 годзе Катэгорыя:Памерлі ў 1977 годзе Катэгорыя:Пахаваныя на Ракавіцкіх могілках