Ёхан Вільгельм (Юка) Рангел (; , Хаўха — , Хельсінкі, Фінляндыя) — дзяржаўны і палітычны дзеяч Фінляндыі, член Нацыянальнай прагрэсіўнай партыі.
Па адукацыі юрыст, скончыў Хельсінкскі ўніверсітэт, зрабіў кар’еру ў Банку Фінляндыі. Актыўна ўдзельнічаў у прасоўванні Хельсінкі для правядзення летніх Алімпійскіх гульняў 1940, пасля таго як Міжнародны алімпійскі камітэт адмяніў рашэнне аб правядзенні Алімпіяды 1940 г. у Токіа. Пасля абрання Р.Руці прэзідэнтам Фінляндыі 19 снежня 1940 года, апошні прызначыў Рангела прэм’ер-міністрам. У якасці прэм’ера Рангел займаўся галоўным чынам пытаннямі эканомікі, знешнепалітычныя і ваенныя пытанні вырашалі прэзідэнт Р.Руці, галоўнакамандуючы К. Г. Манэргейм і міністр замежных спраў Рольф Вітынг.
У лютым 1946 года быў асуджаны на 6 гадоў пазбаўлення волі па абвінавачванні ў ваенных злачынствах, а амніставаны ў 1949 годзе. Пасля вызвалення палітыкай не займаўся. З 1961 па 1963 працаваў у Алімпійскім камітэце Фінляндыі і да 1967 года ў Міжнародным Алімпійскім камітэце.
Катэгорыя:Прэм’ер-міністры Фінляндыі