Куюні (, ) — рака на поўначы Паўднёвай Амерыкі, правы прыток Эсекіба. Цячэ па тэрыторыі дзяржаў Венесуэла і Гаяна. Даўжыня — каля 618 км. Плошча вадазбору — 80000 км².
Рака Куюні бярэ пачатак на Гвіянскім нагор’і на тэрыторыі Венесуэлы. На тэрыторыі Гаяны даўжыня русла — каля 270 км. Значная частка шляху да вусця праходзіць па алювіяльнай раўніне. Рака з-за практычнай адсутнасці іншых шляхоў зносін у гэтым рэгіёне выкарыстоўваецца мясцовым насельніцтвам для транспартавання людзей і грузаў па вадзе.
У раёне Куюні здабываюць золата і дыяменты. Першыя значныя радовішчы золата былі знойдзены яшчэ ў 1896 г. каля вусця.
На мяжы Гаяны і Венесуэлы на рацэ знаходзіцца востраў Анкока, які з’яўляецца спрэчнай тэрыторыяй паміж дзвюма дзяржавамі.
Спасылкі CUYUNI RIVER Dmitri Allicock, Bartica. A Missed Opportunity of History Rusoro Gold Mining in Cuyuni
Катэгорыя:Памежныя рэкі Катэгорыя:Рэкі Гаяны Катэгорыя:Рэкі Венесуэлы