Víctor Castro Rodríguez, nado en Negreira o 20 de xaneiro de 1879 e finado en Ferrol o 16 de febreiro de 1942,Necrolóxica en El Correo Gallego, 17-2-1942, p. 3. foi un farmacéutico, xornalista e escritor galego.
Traxectoria Fillo de Feliciano Castro e Daría Rodríguez Abente, que era curmá de Eduardo Pondal. Fixo a carreira de Farmacia, que rematou en 1903, establecendo unha farmacia en Santa Comba. Publicou os seus primeiros poemas na Revista Gallega, utilizando en ocasións o pseudónimo Vícaro. Foi redactor de El Eco de Santiago, colaborou en El Eco de Mugía, Almanaque Gallego e dirixiu a revista Santiago nos seus últimos números. En 1906 emigrou a México, onde permaneceu até 1928. Ao seu regreso estableceu unha farmacia en Ferrol. Na Segunda República foi elixido presidente da xunta directiva de Renovación Española de Ferrol en novembro de 1935.El Correo Gallego, 17-11-1935, p. 1.
Vida persoal Casou en Muxía con Faustina Lastres Lastres en 1905,El Eco de Santiago, 12-9-1905, p. 2. e foi pai de María del Carmen, Víctor e María Victoria Castro Lastres.
Notas
Categoría:Escritores de Galicia en lingua galega Categoría:Galegos de México Categoría:Nados en Negreira Categoría:Nados en 1879 Categoría:Finados en 1942 Categoría:Membros correspondentes da Real Academia Galega Categoría:Personalidades de Galicia sen imaxes