Estación de Teruel

A estación de Teruel é unha estación de tren de Adif situada na cidade de Teruel, en Aragón. Ten servizos de media Distancia operados por Renfe. Dispón tamén de instalacións loxísticas usadas polos trens de mercadorías.Teruel Adif

Situación ferroviaria Está situada no punto quilométrico 132,2 da liña 610 de ancho ibérico da rede ferroviaria española que une Zaragoza con Sagunt por Teruel,Rede ferroviaria española Ministerio de Fomento entre as estacións de Cella e de Puerto Escandón. A quilometraxe correspóndese co histórico trazado entre Calatayud e Valencia tomando a primeira como punto de partida. O tramo é de vía única e está sen electrificar.

Historia O ferrocarril chegou a Teruel o 1 de abril de 1901 coa apertura do tramo Calatayud-Puerto Escandón da liña que pretendía unir Calatayud con Valencia.Cronoloxía básica do ferrocarril español de vía ancha Fundación de los Ferrocarriles Españoles As obras correron a cargo da Compañía del Ferrocarril Central de Aragón.Ferrocarril Central Aragón Spanishrailway En 1941, coa nacionalización da totalidade da rede ferroviaria a estación pasou a ser xestionada por Renfe. Desde o 31 de decembro de 2004 Adif é a titular das instalacións.

A estación miniatura|A locomotora diésel-eléctrica 333.107 de Renfe na estación de Teruel. Está situada ao oeste do centro urbano ao final do camiño da Estación. A pesar de transcorrer máis dun século desde a inauguración do recinto o edificio para viaxeiros segue conservando sen apenas modificacións relevantes o aspecto que mostraba outrora. É de planta rectangular e dúas alturas cun tellado de catro vertentes cubrindo a estrutura. O material predominante é o ladrillo visto. Todo o conxunto é dunha extrema sobriedade, con vans adintelados e sen elementos decorativos remarcables.

A estación ten dúas plataformas, unha lateral cuberta á que accede a vía 1 e unha central sen cubrir, aínda que si dispón dun refuxio, á que acceden as vías 3 e 5. En paralelo ás mencionadas e sen plataforma está a vía 7 que dispón dunha derivación da que nacen as vías 11, 13, 15 e 17. Pola súa banda as vías 2, 4, 6, 8 e 10 finalizan na proximidade do edificio principal sendo a vía 10 a máis afastada delas. As instalacións complétanse con almacéns, peiraos, dúas cocheiras e diversas construcións anexas.

Dispón de sala de espera, venda de billetes, aseos, puntos informativos e un aparcadoiro exterior.

Notas

Véxase tamén

Ligazóns externas Información na web de Adif

Teruel Categoría:Teruel

Estación de Teruel

Źródło i licencja