El Álbum Ibero-Americano foi unha revista publicada na cidade española de Madrid entre 1890 e 1909, dirixida por Concepción Gimeno de Flaquer.
Historia A revista foi publicada en Madrid entre 1890 e 1909, dirixida pola escritora e xornalista Concepción Gimeno de Flaquer. El Álbum Ibero-Americano mantivo unha liña editorial na que confluían posturas contraditorias, ó esforzarse en manter un equilibrio entre as ideas feministas que empezaban a agromar na sociedade e as tendencias máis tradicionais, contendo artigos de ideoloxía moi conservadora.
Nela colaboraron mulleres como a propia Gimeno de Flaquer, Julia de Asensi, Carolina Coronado, Ermelinda de Ormache, Emilia Calé y Torres ou Josefa Pujol de Collado, ademais de moitas autoras hispanoamericanas como Adela Castell, Mercedes Cabello de Carbonera, Delfina María Hidalgo. Tamén escribiron nela autores masculinos como Gustavo Baz, Juan Pérez Zúñiga, Salvador María de Fábregues, Melchor de Palau, Salvador Quevedo y Zubieta, o «Marqués de Valmar» ou o marido da directora, Francisco de Paula Flaquer.
Foi a continuadora en España da revista mexicana El álbum de la mujer, a cargo tamén do matrimonio Flaquer. Esta segunda época da revista comezaría o 7 de agosto de 1890 ou o 7 de xaneiro de 1891.
Notas
Véxase tamén
Bibliografía
Categoría:Revistas editadas en Madrid Categoría:Revistas españolas do século XIX Categoría:Revistas españolas do século XX