Nicolás Gabriel Albarracín Basil, máis coñecido como Nicolás Albarracín, nado en Montevideo o 11 de xuño de 1993, é un futbolista profesional uruguaio. Formado nas categorías inferiores do Montevideo Wanderers, xoga na posición de extremo no Club Atlético Peñarol.
Traxectoria Nado en Montevideo, capital do Uruguai, Nicolás Albarracín comezou a súa carreira nas categorías inferiores do City Park, para posteriormente na etapa xuvenil co Montevideo Wanderers. O seu debut como profesional sería o 21 de novembro de 2010, saíndo nos últimos minutos do partido do seu equipo ante Club Atlético River Plate da primeira división uruguia. Descontando unha cesión ao Spezia da Serie B italiana en 2013, onde non puido xogar máis que catro partidos debido a unha lesión de longa duración, nas catro temporadas que xogou nos Wanderers fixo un total de 11 goles en 56 partidos, conseguindo o título de liag (Clausura) en 2014. Para a temporada 2015−16 asina co Club Atlético Peñarol, un dos clubs máis laureados do mundo. No torneo apertura desde memo ano xogou 12 partidos de 15 conseguindo o título de campión. O 9 de abril de 2016 xogou como titular no primeiro partido oficial do club aurinegro no Estadio Campeón del Siglo, anotando no minuto 20 o primeiro gol oficial da historia do estadio. Ademais, brindou unha asistencia que finalmente propiciou o triunfo do seu equipo por 2−1. Debido á súa achega foi escollido mellor xogador do partido. No torneo clausura xogou 10 partidos e anotou dous goles, coroándose campión da temporada. O 3 de xaneiro de 2017 foi anunciada a súa cesión ao Deportivo Cali Categoría Primera A colombiana. Alí disputa 15 partidos e anota un gol. No verán, o 1 de setembro, é cedido de novo, esta vez ao Club Deportivo Lugo da Segunda División.
Clubs AnoClubDivisiónPartidosGoles2010–2011Montevideo WanderersPrimera (1ª)102012–2013Montevideo WanderersPrimeira (1ª)1112013–2014Spezia CalcioSerie B (2ª)402014Montevideo WanderersPrimeira (1ª)1152014–2015Montevideo WanderersPrimera (1ª)Copa Libertadores258322015–2016CA PeñarolPrimeira (1ª)Copa Libertadores223212016CA PeñarolPrimeira (1ª)Copa Suramericana102302017Deportivo CaliPrimeira A (1ª)Copa Suramericana151102017CA PeñarolPrimeira (1ª)102017−2018CD LugoLaLiga 2 (2ª)261
Palmerés Campión dos Xogos Panamericanos (2015). . Campión do Torneo Clausura (2014). Montevideo Wanderers. Campión do Torneo Apertura (2015). Peñarol. Campión da Liga do Uruguai (2016). Peñarol.
Notas
Véxase tamén Ligazóns externas Perfil en soccerway.com Perfil en Transfermarkt
Categoría:Nados en 1993 Categoría:Nados en Montevideo Categoría:Futbolistas do Uruguai Categoría:Dianteiros de fútbol Categoría:Xogadores do Montevideo Wanderers FC Categoría:Xogadores do Spezia Calcio Categoría:Xogadores do CA Peñarol Categoría:Xogadores do Deportivo Cali Categoría:Xogadores do CD Lugo