DC-X e a súa evolución, DC-XA (DC por Delta Clipper e X por experimental) foi un foguete experimental dos Estados Unidos probado entre 1993 e 1996.
Características O DC-X foi o resultado dun programa da oficina da Iniciativa de Defensa Espacial na busca dun foguete que puidera acceder ao espazo usando unha soa etapa. O vehículo foi proposto por McDonnell-Douglas, gañando o concurso de propostas lanzado pola organización gobernamental. O DC-X era a versión a escala 1/3 dun hipotético prototipo (o DC-Y) que sería capaz de chegar a órbita e que nunca chegaría a ser construído. O propósito do foguete era probar varios conceptos relacionados co uso dunha única etapa e demostrar a súa viabilidade, para o cal se fixeron probas na zona de mísiles de White Sands. Os voos de proba levaron ao vehículo a alturas progresivamente maiores ata chegar aos 5500 m. Durante o oitavo voo o casco do foguete rachou ao aterrar bruscamente. O foguete foi reparado e mellorado, dando lugar ao DC-XA, que foi usado pola NASA no programa de vehículos reutilizables ata que no seu cuarto voo o foguete resultou practicamente destruído, poñéndose fin ao programa.
A forma do DC-X era cónica, de 4,1 m de diámetro na base e case 12 m de altura e unha masa en baleiro de 9100 kg. O DC-XA era lixeiramente máis grande e menos pesado, con mellores prestacións.
Historial de lanzamentos
Voo Data Rampla de lanzamento Carga Resultado Notas 1 18 de agosto de 1993 White Sands Voo de proba Éxito Primeiro voo dun DC-X 2 11 de setembro de 1993 White Sands Voo de proba Éxito 3 30 de setembro de 1993 White Sands Voo de proba Éxito 4 20 de xuño de 1994 White Sands Voo de proba Éxito 5 27 de xuño de 1994 White Sands Voo de proba Éxito 6 27 de xuño de 1994 White Sands Voo de proba Abortado Voo abortado durante unha vez no aire debido a unha explosión de hidróxeno. 7 16 de maio de 1995 White Sands Voo de proba Éxito 8 7 de xullo de 1995 White Sands Voo de proba Éxito O casco do foguete rachou nunha aterraxe brusca. 9 19 de maio de 1996 White Sands Voo de proba Éxito Primeiro voo dun DC-XA. 10 7 de xuño de 1996 White Sands Voo de proba Éxito 11 9 de xuño de 1996 White Sands Voo de proba Éxito 12 31 de xullo de 1996 White Sands Voo de proba Fallo Unha das patas do foguete non se estendeu, provocando a caída durante a aterraxe e subsecuente explosión. Último voo do DC-XA.
Notas
Véxase tamén
Outros artigos RL-10A-5
Categoría:Foguetes espaciais