miniatura|Roberto I de Nápoles Roberto I de Nápoles, chamado o Prudente, nado en 1278 e finado en Nápoles en 1343, foi rei de Nápoles e conde da Provenza (1309 - 1343).
Traxectoria
Orixes familiares Cuarto fillo do rei Carlos II de Nápoles e da raíña María de Hungría, sucedeu ao seu pai no trono de Nápoles en 1309. Era o irmán máis novo do rei de Hungría, Carlos Martel.
Ascenso ao trono En 1309 foi nomeado herdeiro do seu pai ao trono de Nápoles e contou coa bendición do papa Clemente V. O seu sobriño Carlos I Roberto de Hungría, fillo de Carlos Martel e primoxénito de Carlos II de Nápoles, non reclamou a coroa napolitana por ser elixido herdeiro do reino húngaro á morte do seu pai.
Xefe do partido papal dos Güelfos, non foi quen de evitar a ruptura en 1330 co papa Xoán XXII.
Notábel protector das artes e dos seus estudos, foi amigo persoal de Bocaccio e Petrarca.
Matrimonios e descendentes En 1297 casou con Roma con Violante de Aragón, filla de Pedro III de Aragón. Deste matrimonio naceu: o infante Carlos de Calabria (1298 - 1328), nomeado duque de Calabria e polo tanto herdeiro do reino. o infante Luís de Nápoles (1301 - 1310).
Á morte de Violante en 1302, Roberto I casou de novo o 21 de xuño de 1304 en Cotlliure (o Rosellón) con Sancha de Mallorca, filla do rei Xaime II de Mallorca. Deste matrimonio non tivo fillos.
A sucesión do reino recaeu na súa neta Xoana I de Nápoles debido á morte prematura do seu pai, Carlos, duque de Calabria, en 1328.
Categoría:Casa de Valois Categoría:Reis de Nápoles Categoría:Condes da Provenza Categoría:Nados en 1278 Categoría:Finados en 1343