Friedrich Traugott Kützing, nado o 8 de decembro de 1807 en Ritteburg, e finado o 9 de setembro de 1892 en Nordhausen, foi un farmacéutico e botánico alemán, especializado en ficoloxía.
Traxectoria De mozo, traballou en varias farmacias en Alemaña, servindo tamén como axudante durante algúns semestres no instituto químico-farmacéutico de Franz Wilhelm Schweigger-Seidel en Halle. Despois estudou historia natural. Realizou expedicións florísticas no litoral de Dalmacia e Italia, e nos Alpes.
A pesar da súa escasa experiencia no que se refire á educación superior, Kützing fixo importantes contribucións científicas. En 1833 demostrou as diferenzas entre as diatomeas e desmidiales, separando así os dous grupos en familias propias.6. Diatoms as siliceous and two-shelled cells Marginalia nº 1. en diatom.org . Ademais, independentemente de Charles Cagniard-Latour e Theodor Schwann, foi un dos primeiros en dar respostas completas en relación aos lévedos e ao papel que xogan nas fermentacións.Early Research on Fermentation .
En 1838 era docente de ciencias naturais no colexio de Nordhausen. En 1837 foi nomeado doutor honoris causa pola Universidade de Giessen e en 1843 recibiu o título de profesor. Nese mesmo ano fixo oposicións e gañou a cátedra de profesor de Botánica, permanecendo nese posto até a súa xubilación, en 1883.
En 1849 publicou Species Algarum, un amplo traballo no que fixo as descricións de 6 000 especies de algas.Pharmazeutische Zeitung Friedrich Traugott Kützing, Apotheker und bedeutender Botaniker.
Epónimos Os xéneros de algas Kuetzingia Sonder, Kuetzingiella Kornmann e Kuetzingina Kuntze foron así nomeados na súa honra.
Abreviatura A abreviatura Kütz. emprégase para recoñecer a como autoridade na descrición e taxonomía en botánica.Kütz. – Friedrich Traugott Kützing (1807-1893) no IPNI.
Notas
Véxase tamén
Bibliografía George Papenfuss: "Kützing, Friedrich Traugott", no Dictionary of Scientific Biography, Tomo 6, pp. 533–534.
Categoría:Científicos de Alemaña Categoría:Ficólogos Categoría:Botánicos de Alemaña Categoría:Nados en Turinxia Categoría:Nados en 1807 Categoría:Finados en 1892