Colin Henri Martin, nado o 11 de marzo de 1906 en Lausana e finado o 2 de xaneiro de 1995 en Aubonne, foi un numismático, avogado e director de museo suízo.
Traxectoria Colin Martin naceu en Lausana o 11 de marzo de 1906,"Martin, Colin, avocat, 1906-1995". Réseau vaudois des bibliothèques. Patrium. fillo de Marguerite Viret e do comerciante Henri Martin.
Formación e exercicio do Dereito Cursou estudos superiores de Dereito na Universidade de Lausana. Logo de se dedicar durante uns anos aos negocios, en 1940 acadou o seu doutoramento en Historia do Dereito, cunha tese sobre lexislación monetaria titulada La réglementation bernoise des monnaies ("A regulación monetaria de Berna"), que foi publicada o mesmo ano.Véxase (1940) en "Publicacións".
En 1942 ingresou no colexio de avogados e comezou o exercicio desta profesión.
Actividade numismática e académica En paralelo á súa actividade profesional, Colin Martin foi un estudoso do mundo da moeda e chegou a se concerter nun reputado numismático.
En 1937 foi nomeado director do Gabinete de Medallas, que anos máis tarde se convertería no Museo Monetario Cantonal de Vaud, en Lausana. Exerceu este cargo ata que en 1984 foi relevado por Anne Geiser.
Entre outras entidades de carácter asociativo e académico, Martin foi membro da Sociedade Suíza de Numismática, da que foi presidente entre 1949 e 1980. Tamén presidiu a Sociedade Suíza de Ciencias Humanas (1975-1980) e a Academia Suíza das Ciencias Humanas e Sociais (1975-1978),"Schweizerische Akademie der Geistes- und Sozialwissenschaften (SAGW)". Historisches Lexikon der Schweiz (HLS). foi secretario da Sociedade Académica de Vaud e exerceu como tesoureiro da Comisión Internacional de Numismática.
No ámbito editorial, en 1939 Colin Martin foi un dos impulsores da colección bibliográfica Bibliothèque historique vaudoise, vinculada á Universidade de Lausana e concibida para a publicación de teses e outros estudos relacionados coa historia do cantón de Vaud.
Canto á súa vida familiar, en 1941 casou con Mariette Andrée Irène van Muyden.
Colin Martin finou o 2 de xaneiro de 1995 en Aubonne, no cantón de Vaud.Geisser, A. (2009).
Recoñecementos
(1972): Doutor honoris causa pola Universidade de Lausana. (1987): Premio Otto Paul Wenger, da Asociación de Numismáticos Profesionais Suízos."Otto Paul Wenger-Preis". Numis Post (www.numis-online-ch).
Publicacións Colin Martin publicou numerosos artigos ao longo da súa carreira, sinaladamente nas revistas numismáticas suízas Schweizer Münzblätter e Schweizerische Numismatische Rundschau, e tamén noutras, como a francesa Revue Numismatique."Martin, Colin Henri ". Digital Library Numis. Así mesmo, é autor dalgúns traballos monográficos, entre eles os seguintes:"Martin, Colin". WorldCat Identities.
Monografías
(1940). La réglementation bernoise des monnaies au pays de Vaud,1536-1623. Bibliothèque historique vaudoise, Lausanne.
(1973). Trésors et trouvailles monétaires racontent l’histoire de Pays de Vaud. Bibliothèque historique vaudoise, Lausanne.
(1978). Essai sur la politique monétaire de Berne: 1400-1798. Bibliothèque historique vaudoise, Lausanne. (1980). Nouvelles recherches sur le vicus gallo-romain de Lousonna (con G. Kaenel). Lausana. (1983). Les monnaies en circulation dans les cantons: 1400-1798. Bibliothèque historique vaudoise, Lausanne. (1994). Catalogue des balances de changeurs des dénéraux et des poids: collections du Cabinet des médailles de Lausanne. 1, La France et l'Italie (con M. Campagnolo). Association des amis du Cabinet des médailles, Lausana. ISBN 9782940094004 (1995). Catalogue des mandats monétaires: collections du Cabinet des médailles de Lausanne. Association des amis du Cabinet des médailles, Lausana. ISBN 9782940094028
Notas
Véxase tamén
Bibliografía Geisser, A. (2009). "Colin Martin". En Dictionnaire Historique de la Suisse (DHS). "Hommage à Colin Martin". En: Cahiers romands de numismatique, 1. 1992: Páxinas 11-35. Pelet, P-L. (ed.) (1992). La Monnaie de sa pièce. Hommages à Colin Martin. Bibliothèque historique vaudoise, Lausanne. Schwarz, D. (1966). Colin Martin sechzigjährig. En Schweizer Münzblätter. 16. Páxinas 57-58.
Outros artigos Museo Monetario Cantonal de Lausana
Categoría:Nados en 1906 Categoría:Nados en Lausana Categoría:Finados en 1995 Categoría:Numismáticos de Suíza Categoría:Galardoados co premio Otto Paul Wenger Categoría:Alumnos da Universidade de Lausana Categoría:Doutores honoris causa pola Universidade de Lausana Categoría:Directores de museos Categoría:Personalidades do dereito