Manuel de la Calva Diego, nado en Barcelona o 15 de febreiro de 1937 e finado en Madrid o 26 de agosto de 2025, foi un cantante e compositor español, coñecido por ser integrante do Dúo Dinámico.
Biografía Comezou no deporte chegando a ser campión de España de natación e formou pare do equipo titular de wáter-polo do Club Natación Barcelona.
Á temperá idade de 20 anos comezou a traballar como mecánico torneiro na empresa Elizalde S.A. e alí coñeceu a quen sería a súa parella artística durante polo menos cincuenta anos, Ramón Arcusa. Na festa de Nadal de 1958 da empresa, ambos cantaron xuntos os temas Branco Nadal (White Christmas) e Gondolier. Sería o inicio da súa prolongada colaboración musical como Dúo Dinámico. Acudiron ao programa La comarca nos visita, en Radio Barcelona o 28 de dicembro dese ano co nome artístico The Dynamic Boys; mais o presentador anunciounos como El Dúo Dinámico.
Ambos os dous convertéronse nos primeiros ídolos da música pop e pioneiros do coñecido como fenómeno fan en España e rodarían catro películas.
É coautor de La, la, la, coa que España gañou o Festival da canción de Eurovisión en 1968, coa interpretación de Massiel. A súa faceta de compositor complétase, de novo xunto a Arcusa, con algúns dos máis famosos temas interpretados por Julio Iglesias como Soy un truhan, soy un señor y Me olvidé de vivir.
En 2006 interveu no concurso de TVE Mira quen baila!.
Morreu de fibrosis pulmonar o 26 de agosto de 2025 en Madrid, aos 88 anos de idade. Notas
Categoría:Compositores de Cataluña Categoría:Nados en Barcelona Categoría:Nados en 1937 Categoría:Cantantes de España