Álvaro García Ortiz, nado en Lumbrales (Salamanca) o 16 de decembro de 1967, é un xurista español, fiscal do Tribunal Supremo. Foi fiscal xeral do Estado desde 2022 ata 2025. Anteriormente, foi fiscal xefe da Secretaría Técnica da Fiscalía Xeral.
Traxectoria Licenciado en Dereito pola Universidade de Valladolid, García Ortiz incorporouse á Fiscalía en 1998, sendo destinado na Fiscalía de Maó, en Menorca. En 2002 trasladouse á Fiscalía da Área de Santiago de Compostela. En 2004 converteuse en fiscal especialista en medio ambiente na Fiscalía do Tribunal Superior de Xustiza de Galicia. Durante este período asumiu a acusación pública no Caso Prestige en 2005.
O 20 de novembro de 2025, o Tribunal Supremo declarouno culpable por un delito de revelación de segredos. A sentenza, que se publicou con posterioridade ó fallo, adoptouse con cinco votos a favor e dous en contra dos sete maxistrados que formaron o tribunal.
O 24 de novembro solicitou o seu cesamento formal ao Goberno.
En abril de 2026 recibiu unha homenaxe impulsada por persoas do progresismo de Compostela.
Notas
Categoría:Nados en 1967 Categoría:Fiscais de Galicia Categoría:Nados na provincia de Salamanca Categoría:Alumnos da Universidade de Valladolid Categoría:Fiscais Categoría:Fiscais xerais do Estado (España)