Daniel "Dani" Vidal González, nado en Tarragona o 14 de xuño de 1992, é un adestrador de fútbol catalán. Actualmente dirixe o Real Avilés Industrial da Primeira Federación.
Traxectoria Vidal iniciou a súa carreira deportiva como xogador xuvenil do Gimnàstic de Tarragona. Retirouse como futbolista aos 20 anos para comezar a adestrar o conxunto Infantil B do mesmo equipo. Tras progresar nas categorías inferiores do Nàstic, o 25 de outubro de 2018 foi nomeado adestrador asistente de Juan Manuel Pavón no Club de Futbol La Pobla de Mafumet, o filial do club tarraconense.
Vidal regresou ao Nàstic para a tempada 2018/19 e comezou a dirixir o conxunto Xuvenil B. Tras encargarse do primeiro equipo xuvenil, o 15 de decembro de 2020 foi promovido a primeiro adestrador do filial na Terceira División. O 16 de xuño de 2021 foi contratado como axudante de Raül Agné no primeiro equipo. Tras a destitución de Iñaki Alonso, Vidal foi nomeado adestrador do Nàstic o día 27 de febreiro de 2023. Foi o primeiro adestrador da historia do club en dirixir todas as súas categorías.
O 5 de marzo de 2023 tivo lugar o debut de Vidal como adestrador do Nàstic, nunha vitoria por 1-0 ante a Real Sociedad B da Primeira Federación. Tras acumular 6 vitorias e 4 empates en 13 partidos, o 4 de xuño de 2023 renovou contrato co club por dous anos adicionais. O 11 de maio de 2025 anunciouse a súa saída do club catalán tras un total de 14 tempadas en distintas categorías, ademais de 94 partidos oficiais co primeiro equipo.
O 18 de agosto de 2025, Vidal foi nomeado adestrador do Real Avilés Industrial para a primeira tempada do equipo na Primeira Federación.
Notas
Véxase tamén Ligazóns externas Dani Vidal Perfil de adestrador en BDFutbol Dani Vidal Perfil de adestrador en LaPreferente.com
Categoría:Nados en 1992 Categoría:Nados en Tarragona Categoría:Adestradores de fútbol de Cataluña Categoría:Adestradores do Gimnàstic de Tarragona Categoría:Adestradores do Real Avilés