miniatura|Diagrama que mostra a integración vertical en contraste coa integración horizontal
O termo integración vertical en microeconomía e xestión describe unha forma de organización empresarial e de control de xestión na que distintas etapas sucesivas da cadea de subministración están reunidas baixo un propietario ou control común.
Normalmente, cada membro da cadea de subministración produce un produto ou servizo diferente para un mercado específico, e os produtos combínanse para satisfacer unha necesidade común. Contrasta coa integración horizontal.
A integración vertical é un método que pode empregarse para evitar ou reducir problemas como o do hold-up, de dependencia contractual entre empresas situadas en distintas fases da produción ou distribución. Un monopolio producido mediante a integración vertical chámase ás veces monopolio vertical.
O magnate Andrew Carnegie foi un dos empresarios máis citados como pioneiro da integración vertical na industria moderna, especialmente no sector do aceiro.
Exemplo Apple Inc. é un exemplo contemporáneo de integración vertical parcial, con moitos elementos do ecosistema do iPhone e do iPad, nos que controla o deseño dos procesadores, o hardware e o software. Porén, a fabricación material dos dispositivos adoita ser externalizada a empresas como Hon Hai Foxconn ou Asus Pegatron que os producen segundo as súas especificacións.
Notas
Véxase tamén
Bibliografía
Martin K. Perry. "Vertical Integration: Determinants and Effects". Chapter 4 in: Handbook of Industrial Organization. North Holland, 1988. Joseph R. Conlin. "The American Past: A Survey of American History". Chapter 27 page 457 under "VERTICAL INTEGRATION". Thompson Wadsworth. Belmont, CA, 2007.
Categoría:Mercados Categoría:Economía