Laura Gallego García, nada na cidade de Quart de Poblet (Hospital Militar en Mislata, Valencia) o 11 de outubro de 1977, é unha escritora española de xénero fantástico e ficción científica. Estudou Filoloxía Hispánica na Universidade de Valencia. No ano 2012 foi galardoada co Premio Nacional de Literatura Infantil e Xuvenil pola obra Donde los árboles cantan.
Biografía Aos once anos comezou a escribir cunha amiga súa a que sería a súa primeira novela sen publicar, Zodiaccía, un mundo diferente (dispoñible na súa páxina web). Aos 21 anos, cando estaba estudando Filoloxía Hispánica, escribiu a novela Finis Mundi, coa que obtivo o primeiro premio no concurso El Barco de Vapor da editorial SM. O seu segundo premio no concurso El Barco de Vapor conseguiuno coa súa novela La leyenda del Rey Errante, libro que ela consideraba mellor que o anterior.
É fundadora da revista universitaria Náyade, repartida trimestralmente na Facultade de Filoloxía e foi codirectora desta desde 1997 a 2000.
A súa primeira novela publicada foi Finis Mundi (1999), pero obtivo maior popularidade coa súa triloxía Crónicas de la Torre. Por mor desa triloxía xurdiu un grande interese pola súa obra, especialmente en Internet. Pero aínda que a súa fama se debe principalmente ás novelas xuvenís, publicou tamén obras dirixidas a un público infantil (Retorno a la Isla Blanca, El cartero de los sueños), incluíndo os prelectores (serie de Alba). En 2004 comezou a súa segunda triloxía, titulada Memorias de Idhún, cultivando o seu maior éxito ata o momento, con máis de 1.000.00 de exemplares vendidos. Memorias de Idhún conta cunha adaptación a novela gráfica.
É fundadora da revista universitaria Náyade, que distribúe a Facultade de Filoloxía da Universidade de Valencia e da que foi codirectora desde 1997 ata 2010.
Despois publicou varios libros independentes, a maioría de temática fantástica, ademais da segunda parte de Alas de Fuego, titulada Alas Negras. Tamén se internou na literatura realista coa serie Sara y las goleadoras, que inclúe títulos como: Creando equipo, Las chicas somos guerreras, Goleadoras en la liga, El fútbol y el amor son incompatibles, Las Goleadoras no se rinden e El último gol. A súa novela Donde los árboles cantan, publicada en outubro de 2011, gañou o Premio Nacional de Literatura Infantil e Xuvenil correspondente ao ano 2012. Ademais, a súa traxectoria viuse recompensada co Premio Cervantes Chico. Ese mesmo ano 2012 volveu á literatura infantil con Mago por casualidad. En marzo de 2017, publicou Por una rosa, un libro que contén tres relatos escritos por tres autores diferentes: Laura Galego, Javier Ruescas e Benito Taibo. Trátase de tres historias ambientadas no universo do conto clásico La bella y la bestia.
En 2018 publicou: El bestiario de Axlin, o primeiro libro da triloxía Guardianes de la ciudadela e El secreto de Xein, segundo libro desta saga. A terceira e última parte desta saga saíu o 29 de marzo de 2019 co seu título La misión de Rox.
Trazos temáticos e de estilo Laura Gallego explorou gran parte dos temas literarios: comeza escribindo literatura histórico-fantástica, coa súa novela Finis Mundi; pero proba tamén a ficción científica, con Las hijas de Tara; e máis tarde a fantasía épica con Crónicas de la Torre e Memorias de Idhún; sen esquecer tampouco a súa literatura infantil.
Na súa narrativa fantástica, e particularmente en Memorias de Idhún, o tema amoroso é tanto ou máis importante que o fantástico, feito que a diferenza notablemente do modelo de J. R. R. Tolkien: os personaxes expresan sen cesar os seus sentimentos, dúbidas, receos, decepcións etc., e guíanse por eles, xeralmente máis que por outros conceptos como a honra ou o deber. Así, a reflexión sobre o propio sentimento ocupa moito espazo nos diálogos e a reprodución do pensamento, feito favorecido pola decisión de empregar un apaixonado triángulo amoroso no que Victoria se sente irremediablemente atraída por dous personaxes opostos e incompatibles.
Obras Series Crónicas de la Torre 2000 - El Valle de los Lobos 2002 - La maldición del Maestro 2003 - La llamada de los muertos 2004 - Fenris, el elfo
Memorias de Idhún 2004 - Memorias de Idhún I: La Resistencia 2005 - Memorias de Idhún II: Tríada 2006 - Memorias de Idhún III: Panteón Ahriel
2004 - Alas de Fuego 2009 - Alas Negras
Sara y las Goleadoras
2009 - Sara y las goleadoras: Creando Equipo 2009 - Sara y las goleadoras: Las chicas somos guerreras 2009 - Sara y las goleadoras: Goleadoras en la liga 2010 - Sara y las goleadoras: El fútbol y el amor son incompatibles 2010 - Sara y las goleadoras: Las goleadoras no se rinden 2010 - Sara y las goleadoras: El último gol
Guardianes de la Ciudadela
2018 - Guardianes de la Ciudadela I. El Bestiario de Axlin 2018 - Guardianes de la Ciudadela II. El Secreto de Xein 2019 - Guardianes de la Ciudadela III. La Misión de Rox
Hadas Madrinas
2015 - Todas las Hadas del Reino 2024 - Todos los Hombres del Rey
Obras en orde cronolóxica 1999 - Finis Mundi 2000 - El Valle de los Lobos 2001 - El cartero de los sueños 2001 - Retorno a la Isla Blanca 2002 - Las hijas de Tara 2002 - La maldición del Maestro 2002 - La leyenda del Rey Errante 2003 - La llamada de los muertos 2003 - Mandrágora 2003 - ¿Dónde está Alba? 2004 - El coleccionista de relojes extraordinarios 2004 - Fenris, el elfo 2004 - Alas de fuego 2004 - Memorias de Idhún I: La Resistencia 2004 - La hija de la noche 2004 - Max ya no hace reír 2004 - Alba tiene una amiga muy especial 2004 - Un fantasma en apuros 2005 - Memorias de Idhún II: Tríada 2006 - Memorias de Idhún III: Panteón 2007 - La emperatriz de los Etéreos 2008 - Dos velas para el diablo 2009 - Sara y las goleadoras: Creando Equipo 2009 - Alas Negras 2009 - Sara y las goleadoras: Las chicas somos guerreras 2009 - Sara y las goleadoras: Goleadoras en la liga 2010 - Sara y las goleadoras: El fútbol y el amor son incompatibles 2010 - Sara y las goleadoras: Las goleadoras no se rinden 2010 - Sara y las goleadoras: El último gol 2011 - Donde los árboles cantan 2012 - Mago por casualidad 2013 - El Libro de los Portales 2014 - Enciclopedia de Idhún 2015 - Todas las hadas del reino 2016 - Omnia. Todo lo que Puedas Soñar 2016 - Héroes por Casualidad2017 - Por una rosa2017 - Cuando me veas2018 - Guardianes de la Ciudadela I. El Bestiario de Axlin2018 - Guardianes de la Ciudadela II. El secreto de Xein2019 - Guardianes de la Ciudadela III. La misión de Rox2021 - El Ciclo del Eterno Emperador2022 - Stravagantia2024 - Todos los Hombres del Rey2025 - Cuatro Lunas 1. Mareas de Magia Traducións Algunhas das súas obras foron traducidas a numerosas linguas como: romanés, francés, polaco, finés, sueco, noruegués, dinamarqués, húngaro, inglés, italiano, alemán, portugués, catalán, coreano e chinés.
Malia isto, polo de agora aínda non hai tradución ao galego de ningunha das súas novelas.
Obras sen publicar e proxectos A propia Laura Gallego menciona na súa páxina web que antes de que lle publicasen Finis Mundi, escribira moitas outras obras. A día de hoxe ofrece alí algunhas delas como curiosidade, como Zodiaccía, un mundo diferente, antes mencionada, e El Desafío de Zhur'' (tamén dispoñible na web), no que aparece un mundo de Idhún prototípico.
Notas
Véxase tamén Ligazóns externas Páxina web da escritora
Categoría:Escritores en lingua castelá Categoría:Escritores da Comunidade Valenciana Categoría:Escritores de ficción científica Categoría:Nados en Quart de Poblet Categoría:Nados en 1977