miniatura|Xaneiro ilustrado no libro de horas Les Très Riches Heures du Duc de Berry, manuscrito do s. XV. Xaneiro é o primeiro mes do ano no calendario gregoriano e ten 31 días.
A súa orixe está no nome latino para o undécimo mes do ano (primeiro a partir da reforma de Xulio César) Ianuarius, que viña sendo o mes dedicado ó deus Xano.
Acontecementos en xaneiro O primeiro de xaneiro celébrase a Independencia de Haití. O 6 de xaneiro é o Día dos Reis Magos. O 26 de xaneiro é o aniversario da República India.
O terceiro domingo de xaneiro celébrase o Día Mundial da Neve, co obxectivo de promover os deportes brancos.
O terceiro luns de xaneiro celébrase o Día de Martin Luther King. A data escolleuse por ser próxima ó aniversario do día do seu nacemento (o 15 de xaneiro de 1929).
O último domingo de xaneiro celébrase o Día Mundial contra a Lepra .
Xaneiro na cultura popular
As sortes son os primeiros doce días do mes de xaneiro e prognostican o que vai acontecer durante cada mes do ano. Así, o tempo que fai o día 1 será o tempo que fará en xaneiro, o do día 2 corresponderá a febreiro etc.
A lúa de xaneiro, chamada lúa morta, é a mellor para matar o porco. A lúa crecente seguinte será a adecuada para salgalo se se quere que medre a carne na artesa. Nunca debe matarse con lúa chea porque o touciño se aluaría.
Notas
Categoría:Meses