Џозеф Едгар Форман (англ. Joseph Edgar Foreman; роден на 28 јули 1974), познат по неговото естрадно име Афромен (англ. Afroman) ― американски рапер, пејач, текстописец, политички кандидат и комичар. Најпознат е по неговата песна од 2000 година „Because I Got High “ и неговиот следен сингл „Crazy Rap“ од 2001 година. Двете песни биле вклучени на неговиот прв студиски албум, The Good Times (2001). Во 2002 година, Афромен бил номиниран за Греми награда.
Животопис Роден е на 28 јули 1974 година во Лос Анџелес, Калифорнија.
Музичката кариера ја започнал додека бил во осмо одделение кога почнал да снима песни во домашни услови кои им ги продавал на неговите соученици. Форман исто така во младоста свирел на гитара и тропал на тапани во црквен оркестар.
Во 1998 година, Афромен го издал неговиот прв албум, My Fro-losophy, кој се смета за неуспешен. Следната година го издал „Sell Your Dope“ и се преселил во Хатисбург, Мисисипи. Музичкиот успех на Афроман делумно се припишува на неговото преселување.
Раменофски го продуцирал вториот албум на Афромен, Why I Got High, издаден во 2000 година од T-Bones Records и дистрибуиран преку услугата за споделување датотеки Napster. Истоимената песна од албумот на хумористичен начин опишува како употребата на марихуана му го уништува животот на пејачот. Кон крајот од 2001 година, песната станала хит. Во 2002 година, „Because I Got High“ била номинирана за Греми за најдобра рап соло изведба.
По успехот на песната, Афромен учествувал на фестивалот „Smoke Out“ организиран од Cypress Hill. По ова, Universal Records потпишал договор со Афромен за шест албуми и го издал The Good Times во 2001 година. The Good Times бил компилација од првите два албума од Афромен и исто така содржел нови песни.
Афроман бил дел од собирот на Juggalos во 2010 година.
Во октомври 2014 година, Афроман објавил ремикс од неговата хит песна „Because I Got High“ за да ја истакне корисноста од марихуаната како дел од заложбата за легализирање на продажбата во САД.
На 20 декември 2022 година, Афромен објавил дека ќе се кандидира за претседател на САД на претседателските избори во 2024 година. Неговиот менаџер на кампањата, Џејсон Севиџ, ја објави кандидатурата во негово име, наведувајќи ги инфлацијата, пазарот на недвижности, корупцијата во спроведувањето на законот и легализирањето на марихуаната како клучни прашања во неговата кампања.
Наводи
Надворешни врски
Afroman at AllMusic Afroman discography at Discogs Afroman at Apple Music Afroman at Spotify Music
Категорија:Американски хип-хоп пејачи Категорија:Американски пејачи и пејачки од 21 век Категорија:Американски пејачи и пејачки од 20 век Категорија:Живи луѓе Категорија:Родени во 1974 година Категорија:Пејачи од Лос Анџелес Категорија:Американски гитаристи Категорија:Американски рапери Категорија:Кандидати за претседател на САД