Грејси Медиган Абрамс (англ. Gracie Madigan Abrams; родена на 7 септември 1999 година) ― американска пејачка. Во 2019 година потпишала договор со Interscope Records и со таа издавачка куќа ги издала албумите Good Riddance (2023) и The Secret of Us (2024). Во 2024 година била номинирана за Греми за најдобар нов изведувач.
Детство и образование Грејси Абрамс е родена на 7 септември 1999 година во округот Лос Анџелес во Калифорнија. Таа е ќерка на режисерот Џеј Џеј Абрамс и филмската продуцентка Кејти Мекграт. Нејзиниот татко е Евреин, а мајка ѝ потекнувала од ирско католичко семејство.
По матурирањето во 2018 година, Абрамс студирала меѓународни односи на колеџот Барнард во Њујорк, но по првата година на студии направила пауза за да се насочи на музичката кариера.
Кариера Во октомври 2019 година, под Interscope Records, Абрамс го издала нејзиниот прв сингл „Mean It“. На 14 јули 2020 година, го објавила првиот миниалбум, Minor. На 12 ноември 2021 година, Абрамс го објавила нејзиниот втор мини-албум, This Is What It Feels Like. За поддршка на мини-албумот, започнала турнејата под наслов This Is What It Feels Like, а покрај на својата турнеја, Абрамс била воведен изведувач на турнејата „Sour“ од Оливија Родриго.
На 24 февруари 2023 година, Абрамс го издала нејзиниот прв албум Good Riddance. Во јуни истата година било објавено луксузно издание. Во текот на 2023 година, Абрамс настапувала како воведен изведувач на избрани концерти од американскиот дел од турнејата The Eras од Тејлор Свифт. Таа, исто така, ја започнала турнејата Good Riddance. Кон крајот на истата година, Абрамс се нашла на листата од Форбс „30 под 30“. Во 2024 година била номинирана за Греми за најдобар нов изведувач.
На 29 април 2024 година, Абрамс го најавила нејзиниот втор албум, The Secret of Us, кој бил објавен на 21 јуни 2024 година. На албумот му претходеле два сингла: „Risk“ (1 мај 2024 година) и „Close to You“ (7 јуни). За поддршка на албумот, Абрамс ја започнала турнејата Secret of Us во САД.
Влијание и прием Абрамс како нејзини музички влијанија ги навела: Џони Мичел, Сајмон и Гарфанкел, Елвис Костело, Бон Ајвер, Елиот Смит, Кејт Буш, The 1975, Џејмс Блејк, Тејлор Свифт, Лорд, Metric, The Killers и Фиби Бриџерс.
Свифт, Бриџерс, Лорд, Пост Мелоун, Били Ајлиш и Оливија Родриго изразиле восхитување за Абрамс. Таа им се придружила на Свифт и на Родриго на нивните турнеи.
Дискографија
Студиски албуми
Good Riddance (2023) The Secret Of Us (2024)
Наводи
Надворешни врски
Категорија:Американски кантавторки Категорија:Американски поп-пејачки Категорија:Пејачи од Лос Анџелес Категорија:Живи луѓе Категорија:Американци со ирско потекло Категорија:Американски пејачки од 21 век Категорија:Родени во 1999 година Категорија:Статии со извори на холандски (nl) Категорија:Статии со hCards Категорија:Статии со краток опис