Џералд Ерл Гилам (англ. Gerald Earl Gillum; роден на 24 мај 1989 година), познат по неговото уметничко име G-Eazy ― американски рапер, музички продуцент и глумец.
Живот и кариера Џералд Ерл Гилам бил роден на 24 мај 1989 година во Оукленд, Калифорнија. Студирал на Универзитетот Лојола во Њу Орлеанс, каде што дипломирал на насоката музичка индустрија во 2011 година.
G-Eazy почнал да работи како музички продуцент додека сè уште студирал на Универзитетот Лојола. Станал член на месната хип-хоп група позната под името „The Bay Boyz“, која објавила неколку песни на нивната страница на Мајспејс.
Во 2010 година, G-Eazy добил можност да биде воведен изведувач на концерти од некои добро познати музичари, особено Лил Вејн и Снуп Дог. Пред да потпише договор со RCA Records, објавил два независни албума: The Epidemic LP (2009) и Must Be Nice (2012). мини| G-Eazy на настап во 2013 година мини| G-Eazy на фестивалот Lollapalooza во 2015 година На 23 јуни 2014 година, G-Eazy го издал неговиот прв албум со голема издавачка куќа, This Things Happen. Албумот се искачил на трето место на американската топ-листа за албуми Билборд 200. Од албумот го издал синглот „I Mean It“ со кој тој за прв пат се пласирал на американската топ-листа за синглови Billboard Hot 100.
Вториот албум на Гилам, When It's Dark Out, бил издаден на 4 декември 2015 година. На 6 јануари 2016 година, G-Eazy ја започнал неговата втора светска турнеја при што одржал концерти во САД, Европа и Австралија. Неговиот сингл „Me, Myself & I“, во соработка со Бебе Реџа, се искачил на 7-мо место на американскиот Billboard Hot 100.
На 15 декември 2017 година, G-Eazy го издал албумот The Beautiful & Damned. Водечкиот сингл од албумот „No Limit“ (во соработка со Карди Би и ASAP Rocky), се искачил на четврто место на Billboard Hot 100 и до денес е негова песна со највисок пласман на топ-листите. На 5 декември 2017 година, G-Eazy го објавил вториот сингл од The Beautiful & Damned под наслов „Him & I“ во соработка со Холзи , со која во тоа време бил во врска.
Како глумец дебитирал со филмот Hustlers, во кој го глумел Џони, објавен на 13 септември 2019 година.
G-Eazy го објавил неговиот долгоочекуван четврти студиски албум These Things Happen Too на 24 септември 2021 година. Бил поддржан со сингловите „Running Wild (Tumblr Girls 2)“ во соработка со Косиско и „Breakdown“ со Деми Ловато. Албумот послабо се продавал за разлика од неговите претходни албуми.
Албумот Freak Show бил објавен на 21 јуни 2024 година. На албумот му претходеле сингловите „Femme Fatale“ и „Freak Show“. Албумот не успеал да се пласира на топ-листите.
Личен живот Од 2017 до 2018 година, G-Eazy бил во врска со пејачката Холзи. Од 2020 до 2021 година, бил во врска со глумицата Ешли Бенсон.
Дискографија
The Epidemic LP (2008) Must Be Nice (2012) These Things Happen (2014) When It's Dark Out (2015) The Beautiful & Damned (2017) These Things Happen Too (2021) Freak Show (2024)
Филмографија година Филм Улога Белешки Уп 2019 година Hustlers Џони Филм 2022 година Take Me to the River: New Orleans Себе си Документарец We Were Hyphy Себе си Документарец 2023 година Сам ноќе Том Монтана Филм All Souls Силас Антагонист
Наводи
Надворешни врски
Официјална веб-страница на G-Eazy Официјална страница на YouTube
Категорија:Поп рапери Категорија:Живи луѓе Категорија:Родени во 1989 година Категорија:Пејачи од Оукленд Категорија:Американски хип-хоп музичари Категорија:Американски рапери