Битка кај Редестос () — битка која се случила во февруари 1206 година во градот Редестос (денешен Текирдаг, Турција) помеѓу Бугарите предводени од царот Калојан и крстоносците. Резултирала со бугарска победа.
Откако Бугарите ја уништиле латинската војска во битката кај Русион на 31 јануари 1206 година, остатоците од разбиените крстоносни сили се упатиле кон крајбрежниот град Редестос за да побараат засолниште. Градот имал силен венецијански гарнизон и бил дополнително поддржан од полк од 2.000 војници од Цариград. Сепак, стравот од Бугарите бил толку голем што Латините паничиле со самото пристигнување на бугарските војници. Тие не биле во можност да се спротивстават и по кратка битка Венецијанците почнале да бегаат кон своите бродови во пристаништето. Во брзањето да избегаат, многу бродови биле преоптоварени и потонале, а повеќето Венецијанци се удавиле. Градот бил ограбен од Бугарите, кои го продолжиле својот победнички марш низ источна Тракија и освоиле уште многу градови и тврдини.Setton, Kenneth M.; Hazard, Harry W.; Zacour, Norman P., eds. (1989). A History of the Crusades, Volume VI: The Impact of the Crusades on Europe. Madison and London: University of Wisconsin Press. p. 436. ISBN 0-299-10740-X. Ioannitsa led the Bulgars south after taking Adrianople, and, after his victory at Rusion in January 31, 1206, took Arcadiopolis, Rodosto, Heraclea, and other places on the Thracian coast.
Наводи
Категорија:Судири во 1206 година Категорија:Бугарско-латински војни Категорија:Бугарија во 13 век Категорија:Битки на Латинското Царство Категорија:Битки на Второто Бугарско Царство