Ангел Стојанов (р. година во Ваташа, Кавадарци) — македонски пејач и хармоникаш, кој е познат по народната музика каде има испеано голем број на кавадаречки и тиквешки песни.
Животопис Роден на 7 март 1962 година во Кавадарци, Џамбаз со децении е дел од музичката сцена, оставајќи значаен белег во зачувувањето и промоцијата на тиквешката и македонската народна музика.
Својата музичка кариера ја започнал во „Група Кавадарка“, состав кој во тоа време бил меѓу најбараните низ Тиквешијата. Со овој ансамбл настапувал на бројни веселби, прослави и културни настани, изведувајќи дел од најубавите тиквешки народни песни како „Низ рамни двори шеташе“, „Кинисало малој моме“, „Емо мори Емо“, „Царот Неготински“, „Одам одам“ и „Памтиш ли либе“. Овие песни и денес се пеат на многу собири и се сметаат за дел од музичкото наследство на регионот.
Во текот на својата кариера, Џамбаз бил дел и од познатите состави „Ваташка Чалгија“ и „Група Македонија“, каде дополнително го усовршувал својот стил на пеење и свирење хармоника. Подоцна станува член на „Тајфата на Димо Дулот“, со која долги години настапува низ Тиквешијата, но и надвор од Македонија, меѓу другото во Турција и Германија.
Со овој состав се создадени и изведени повеќе песни кои со текот на времето станаа вистински народни хитови. Меѓу нив се „Пазам те пазам“, „Јана е шума градила“, „Тиквеш Тиквеш“, „Мирка“, „Зошто либе ме остави“, „Гори поља“, „Само ти се чудам Цвето“, „Моми Тиквешанки“ и „Ајде Величе“.
По распаѓањето на тајфата во 2015 година, Ангел Џамбаз продолжува да настапува заедно со Димо Дулот и нивниот бенд, останувајќи активен на музичката сцена и верен на традиционалната песна.
Во последните години повторно го привлече вниманието на публиката со песната „Големи маки тегневме“, која во 2020 година ја снимија заедно со Димо Дулот, враќајќи ја во живот оваа стара македонска песна која пред повеќе од пет децении ја испеале Браќата Дончеви и Ваташка Чалгија. Истата година ја снимија и песната „Тиквешкото Езеро“.
Во 2021 година Џамбаз сними и преработки на неколку стари македонски народни песни, меѓу кои „Летај пиле шарено“, „А бре бај постоле“ и „Сношти вечер мајко“, со што уште еднаш ја потврди својата посветеност кон зачувување на македонската музичка традиција.
Со својата хармоника, препознатлив глас и љубов кон народната песна, Ангел Стојанов Џамбаз останува еден од најценетите музичари од Тиквешијата, човек кој со години ја носи и негува традицијата на македонската песна.
Надворешни врски Ангел Џамбаз на YouTube Ангел Џамбаз и Група Кавадарка на YouTube Ангел Џамбаз и Тајфата на Димо Дулот на YouTube
Категорија:Македонски музичари Категорија:Македонски фолк пејачи Категорија:Македонски чалгаџии