Lappula marginata' — вид на цветни растенија. Првпат го опишал Фридрих Август Маршал фон Биберштајн, а точното име му го дал Роберт Луис Август Максимилијан Гирке.Gürke (1893) , In: Engl. & Prantl, Natürl. Pflanzenfam. 4: 3a 107 Lappula marginata припаѓа на родот Lappula и семејство Boraginaceae.Hassler M. (2019). World Plants: Synonymic Checklists of the Vascular Plants of the World (version Nov 2018). In: Species 2000 & ITIS Catalogue of Life, 2019 Annual Checklist (Roskov Y., Ower G., Orrell T., Nicolson D., Bailly N., Kirk P.M., Bourgoin T., DeWalt R.E., Decock W., Nieukerken E. van, Zarucchi J., Penev L., eds.). Digital resource at www.catalogueoflife.org/annual-checklist/2019. Species 2000: Naturalis, Leiden, the Netherlands. ISSN 2405-884X.
Опис Lappula marginata е едногодишно растение, сиво, со густи прилегнати или стрчести влакна. Стеблото е високо од 5 до 50 см, вертикално, просто или разгрането од основата. Листовите му се долги 20 до 50 мм, широки 2 до 8 мм, четинесто влакнести, издолжени до линејни, долните со дршки, горните приседнати. Цветовите се собрани во релативно куси соцветија, во пазувите на кусите копјести прицветници. Цветните дршки се долги до 1,5 мм, исправени. Чашката за време на цветањето е долга 2 до 2,5 мм, а при образување на плодот се зголемува до 3–3,5 мм, чашкините сегменти се издолжено-линејни, влакнести. Венчето е долго 3 до 4 мм, проширениот дел од венчето е инковиден, сино, поретко бело, со пречник до 2 мм. Оревчињата се големи 2 до 3 мм, сплескано-триаголни, горната површина е мазна или со брадавичести израстоци. Рабовите се со еден ред од кукести трновидни израстоци, долги до 2 мм, кои во основата се проширени, сплескани и меѓусебно поврзани.
Живеалиште На суви места, по засолени почви и лапори.
Распространетост Овој вид се наоѓа во: Европска Русија Северен Кавказ Ерменија Казахстан Соединети Американски Држави Колорадо Орегон Пенсилванија Република Македонија
Македонија Познат единствено за Криволак – (†) с. Енешево (Солен Дол). Во 1928 година било наведено за Демир Хисар.
Наводи
Надворешни врски
Категорија:Boraginoideae Категорија:Флора на Македонија