Рита Дав (англиски: Rita Dove; 28 август 1952) — американска поетеса.

Животопис Рита Дав е родена во Ејкрон, Охајо, како едно од четирите деца во семејство од средната класа. Основното и средното образование ги стекнала во родниот град, а потоа студирала на Универзитетот мајами во Охајо, каде дипломирала на 21. годишна возраст со највисоки почести. Како добитничка на Фулбрајтовата стипендија, престојувала на Универзитетот во Тибинген, каде ја изучувала модерната европска книжевност. Магистрирала на Универзитетот во Ајова во 1977 година, а потоа предавала креативно пишување на Државниот универзитет на Аризона. Притоа, таа често патувала и живеела во ирска, Израел, Франција и Германија. Таа живее во Шарлотсвил, Вирџинија и работи како професорка по англиска книжевност на Универзитетот на Вирџинија.Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 203.

Творештво Творештвото на Дав опфаќа многу творби од личното искуство и од семејната историја, но сепак, таа не е персонално-исповедна поетеса, туку автобиографската и семејната историја се претвораат во лирска фикција и во универзално искуство во кое учествува и читателот. Исто така, во нејзиното творештво ги преминува временските и просторните граници. Таа е добитничка на Пулицеровата награда за поезија во 1987 година, во периодот 1993-1995 била поет-лауреат на САД. Нејзините најважни дела се:Petar Penda (izbor i prevod), Eight contemporary American poets – Osam savremenih američkih pjesnika (drugo izdanje). Zadužbina “Petar Kočić”, Banja Luka i Beograd, 2009, стр. 203. Десет песни (Ten poems, 1977) Жолтата куќа на аголот (The yellow house on the corner, 1980) Музеј (Museum, 1983) Томас и Бјула (Thomas and Beulah, 1986) Милостиви записи (Grace notes, 1989) избрани песни (Selected poems, 1993) Потемното лице на Земјата (The darker face of the Earth, 1994) Мајчина љубов (Mother love, 1995) Во автобус со Роза Паркс (On the bus with Rosa Parks, 1999) Американско мазно (American smooth, 20044)

Наводи

Категорија:Американски поети Категорија:Родени во 1952 година Категорија:Добитници на Пулицеровата награда