Алфонсо Џонсон (роден на 2 февруари 1951 година) — американски џез-басист кој што бил активен од почетокот на 1970-тите. Џонсон бил член на џез-фјужн групата Ведр Рипорт од 1973 до 1975 година и настапубал и снимал со бројни познати рок и џез изведувачи, вклучувајќи ги Сантана, Фил Колинс, членовите на Grateful Dead, Стив Кимок, Џефри Осборн и Чет Бејкер.
Биографија Роден во Филаделфија, Пенсилванија, САД, Џонсон започнал како контрабасист, но се префрлил на електрична бас-гитара во неговите доцни тинејџерски години. Започнувајќи ја својата кариера во раните 1970-ти, Џонсон покажал иновативност и флуидност на електричниот бас. Свирел со неколку џез музичари пред да добие работа во Ведр Рипорт, преземајќи ја улогата на ко-основачот Мирослав Витоус. Џонсон дебатирал со Ведр Рипорт на албумот Мистириас травелер (Mysterious Traveller). Се појавил на уште два албума на Ведр Рипорт: Тејл спонин (Тale Spinnin') (1975) и Блек Маркет (Black Market) (1976) пред да го напушти бендот за да работи заедно со тапанарот Били Кобам. Во текот на 1976-77 година, снимил три соло албуми како водач на бендот, за издавачката куќа Епик, во фјужн-фанк стил.
Џонсон бил еден од првите музичари што го претставил „Чапмановиот стик“. Во 1977 година, неговото познавање на инструментот му овозможило проба со „Џенезис“, кои барале замена за гитаристот Стив Хакет. Бидејќи бил повеќе басист отколку гитарист, Џонсон го препорачал својот пријател, поранешниот гитарист на „Свитботом“ и колега сесиски музичар Дарил Стурмер, кој ќе останал член на турнејскиот бенд на „Џенезис“ до последниот концерт на бендот во 2022 година.
Џонсон бил еден од двајцата басисти на првиот соло албум на Фил Колинс, Фејс Велју (Face Value), во 1981 година.
На почетокот на 1982 година, Џонсон се придружил на страничниот проект на членот на Грејтфул Дед , Боб Вир, „Боби енд да Миднајтс“. Тој повторно се соединил со Вир во 2000 година, свирејќи бас на местото на Фил Леш на турнејата со The Other Ones. Тој, исто така, изведувал фјужн верзии на песни од Грејтфул Дед заедно со Били Кобам во бендот „Џез е Дед“.
Подоцна во 1996 година, Џонсон направил турнеја низ Европа и Јапонија со композиторот и саксофонист Вејн Шортер, пијанистот Џејмс Бирд, тапанарот Родни Холмс и гитаристот Дејвид Гилмор .
Тој има богато искуство како инструктор по бас и водел голем број на семинари и предавања по бас во Германија, Англија, Франција, Шкотска, Ирска, Јапонија, Швајцарија, Австралија, Бразил и Аргентина.
Џонсон го започнал своето колеџ образование на колеџот Пирс, а потоа се префрлил на Калифорнискиот државен универзитет во Нортриџ, каде што во 2014 година се стекнал со диплома за музичко образование. Како студент на додипломски студии, Џонсон настапувал како член на дувачкиот ансамбл на Калифорнискиот државен универзитет во Нортриџ. Постдипломските студии ги продолжил на Нортриџ, каде што се стекнал со титулата магистер по наставна програма и настава во средно образование во 2021 година. Моментално работи како вонреден предавач на Универзитетот во Јужна Калифорнија и на Калифорнискиот институт за уметности.
Наводи
Надворешни врски
'Ep. 45: Alphonso Johnson, bassist from the Ведр Рипорт' Interview by Tigran Arakelyan
Категорија:Родени во 1951 година Категорија:Џез-музичари