Полски јасен (науч. Fraxinus angustifolia) — вид на јасен кој потекнува од Средна Европа и Јужна Европа, Северозападна Африка и Југозападна Азија.Rushforth, K. (1999). Trees of Britain and Europe. Collins .
Опис Тоа е средно големо листопадно дрво кое расте до 20-30 метри во висина, со стебло со дијаметар до 1,5 метри. Кората е мазна и бледо сива кај младите дрвја, а кај старите станува квадратно испукана и грутчеста. Пупките се бледо кафеави, што лесно го разликува од сродниот Fraxinus excelsior дури и во зима. Листовите се во спротивни парови или спирали од по три, пердувести, 15-25 см долги, со 3–13 ливчиња; ливчињата се изразито тенки, 3–8 см долги и 1–1,5 см широки. Цветовите се групираат во соцветија кои можат да бидат машки, хермафродитни или мешани машки и хермафродитни. Машките и хермафродитните цветови се јавуваат кај сите единки, т.е. сите дрвја се функционално хермафродитни. Цветаат во рана пролет. Плодот кога е целосно формиран е долг 3–4 см, семето 1,5–2 см долго со бледо кафеаво крило 1,5–2 см должина.Bean, W. J. (1978). Trees and Shrubs Hardy in the British Isles 8th ed., vol. 2. John Murray .
Во Македонија Расте на влажни места, покрај реки, мочуришта, алувијални места и сл.Владо Матевски: Флора на Република Македонија, том II, св. 1, стр. 19-20 издавач: МАНУ, Скопје, 2010
Подвидот Fraxinus angustifolia subsp. angustifolia – не се среќава во Македонија.
Подвидот Fraxinus angustifolia subsp. oxycarpa се среќава во Скопје, село Петровец, покрај реката Треска, Гевгелија, Негорски Бањи, Дојран. Се посочува за Западна Преспа, Глобочица, Луково, Гарска Река, Пчиња, Свети Николе, клисурата на Црн Дрим, покрај Вардар од Велес до Гевгелија.мини|Fraxinus angustifolia inflorescence
Подвидови Постојат четири подвидови, кои некои автори ги третираат како посебни видови:
Fraxinus angustifolia subsp. angustifolia. Западна Европа северно до Франција, северозападна Африка. Листови со 7–13 ливчиња; ливчиња без влакна одоздола. Fraxinus angustifolia subsp. oxycarpa (M.Bieb. ex Willd.) Franco & Rocha Afonso (syn. F. oxycarpa M.Bieb. ex Willd.). Кавкаски јасен. Источна Европа северно до Чешка, југозападна Азија источно до северен Иран. Листови со 3–9 ливчиња; ливчиња со бели влакна на долната половина од средните ребра. Fraxinus angustifolia subsp. syriaca Блискиот Исток и Западна Азија. Fraxinus angustifolia subsp. danubialis (опишан од Зденек Поузар) Средна Европа (исто така наречена F. angustifolia subsp. pannonica Soó & Simon).
Употреба На Сицилија, се одгледува како извор на производ од растителен сок наречен мана.
Галерија
Наводи
Надворешни врски
Fraxinus angustifolia – информации, единици за генетска конзервација и сродни ресурси. Европска програма за шумски генетски ресурси (EUFORGEN)
Категорија:Флора на Европа Категорија:Јасен Категорија:Незагрозени видови според МСЗП Категорија:Флора на Македонија