Крндија — планина во Славонија, Хрватска, која се наоѓа источно од Папук, со кој е поврзана. Се наоѓа јужно од Ораховица и Нашице, а северно од Пожега и Кутјево.
Западната граница на Крндија е планински превој помеѓу врвот Чешљаковачки Вис на Папук и врвот Каповец на Крндија. Патот Кутјево - Ораховица што минува меѓу Каповец и Петров Врв преку превојот Меѓе (620 м) го дели на два дела; додека источниот раб е тешко да се одреди, бидејќи Крндија постепено преминува во рамнина во близина на Ѓаково и подалеку на исток кон Винковци, а од Диљ на југоисток е одвоен од реката Лонџа.
Највисокиот врв на Крндија е Каповац и е висок 790 метри. Врвот, како и целата планина, е пошумен, а на него има телевизиски предавател кој може да се види од далеку. На некои карти, врвот е означен со името Капавац, но меѓу планинарите името Каповац е вообичаено. Петров Врв (701 м) како највисок врв во Осиечко-барањската Жупанија е пошумена височина во близина на превојот Меѓа. Планината Крндија, заедно со Папук и Псуњ, ги образува најстарите делови од таканаречените Славонски Планини, а воедно и најстарите карпи пронајдени во Хрватска. Крндија е составена од карпи образувани во различни раздобја од геолошкото минато, а најчести се метаморфните карпи стари над 300 милиони години.
На Крндија има вулкански карпи (на Лончарски Вис): трахијандезити (латити), андезити. Трахијандезитите се образувале во врска со синседиментарен вулканизам во ерата кога Отнанг-Карпатските седименти биле таложени по раседните системи, а тие кристализирале во подводни услови.
Наводи
Категорија:Славонија Категорија:Планини во Хрватска Категорија:Координати на Википодатоците