Polystichum setiferum е зимзелен или полузимзелен папрат по потекло од јужна и западна Европа. Стеблата и повеќето средни ребра се обложени со циметно-кафеави лушпи. Латинската бномна номенклатура setiferum значи „со влакна“.
Распространетост Најзастапен е во Ирска, југозападна Велика Британија, западна Франција и северозападнниот дел на Иберскиот Полуостров, каде што му одговараат благите зими и влажните лета, но се јавува и почесто локално до северна Шкотска и источно до Крим и Турција. Во Медитеранот обично расте на големи надморски височини. Расте во шуми, често на стрмни падини.
Во Македонија Во Македонија расте по влажни засенчени места и покрај планински потоци. Ова е поретка папрат, а најдена е на Јакупица, Бистра, Беласица, Плачковица и Буковиќ. Видена е на Пелистер, Ниџе и во околината на Прилеп.Кирил Мицевски: Флора на СР Македонија, том 1, св. 1, стр. 67, МАНУ, Скопје, 1985
Опис десно|мини|Крупен план на нов лист десно|мини|Крупен план на нов лист од Polystichum setiferum 'Herrenhausen' Светлозелените листови на папратот се 30-120 цм должина, обично спуштени надолу, со типично четири до десет лисја кај зрело растение. Листовите се со мека текстура, двоперести (едноперести кај мали, млади растенија), со перките спротивни на стеблото. Секоја перка е 4-14 цм долга, со голема нагоре насочена перка во основата, а другите перки се намалуваат во големина кон врвот. Перките имаат меки влакнести врвови. Поединечните листови остануваат бујни и свежи во текот на целата сезона. Тие живеат од девет до петнаесет месеци и остануваат прицврстени за ризомот откако ќе овенат. Тркалезните сори зафаќаат два реда од двете страни на средното ребро на секоја перка и се покриени со централно прикачен, индусиум со ресести рабови. Произведуваат светло жолти спори.
Одгледување Polystichum setiferum често се одгледува како украсно растение за градините. Достапни се многу сорти: опишани се над 300, иако повеќето не се одгледуваат или не се сметаат за доволно различни за посебно име. Следните сорти ја добиле наградата за градинарски заслуги на Кралското хортикултурно друштво:
Divisilobum Group 'Divisilobum Densum' 'Divisilobum Iveryanum'
Наводи
Литература
Флора Европа: Polystichum setiferum Хајд, ХА, Вејд, АЕ и Харисон, СГ (1978). Велшки папрати . Национален музеј на Велс. Рикард, Мартин (2000). Водич на пронаоѓачот на растенија за градинарски папрати . Дејвид и Чарлс Дајс, ЏВ (2005). Култури на Polystichum: Варијации кај британските штитни папрати . Британско птеридолошко друштво.
Категорија:Флора на Ирска Категорија:Флора на Велс Категорија:Папрати Категорија:Флора на Македонија