Подмолно: Тие се меѓу нас () — американски натприроден филм на ужасите од 2026 г., во режија и по сценарио на Џејкоб Чејс. Претставува продолжение на филмот Подмолно: Црвената врата (2023) и е шести дел од филмската франшиза Подмолно. Дејството го следи животот на една млада жена што може да стапи во контакт со духови и да ги донесе во смртниот свет, но набрзо станува прогонувана од злонамерни сили. Главните улоги ги толкуваат Амелија Ив, Брендон Переа и Мејси Ричардсон-Селерс, додека Лин Шеј ја повторува својата улога од претходните филмови.
Премиерата на Подмолно: Тие се меѓу нас се одржала на 18 август 2026 г. во AMC The Grove 14 во Лос Анџелес, Калифорнија, а во кината во Соединетите Американски Држави бил пуштен на 21 август 2026 г. од страна на Sony Pictures Releasing. Во Македонија премиерата била на 20 август истата година. Филмот добил мешани одзиви од критичарите, но бил оценет како подобрување во однос на неговиот претходник.
Содржина Филмот ја раскажува приказната за Џема, млада мајка што започнува да живее во куќата каде што го поминала своето детство. Џема открива дека може да премине во натприродното пространство наречено „Онојсвет“ (англ. The Further). Меѓутоа, набрзо сфаќа дека таа не само што заминува во тој свет, туку и незабележано овозможува злите духови од таму да преминат во вистинскиот свет. Обидувајќи се да ја заштити својата ќерка, Џема е принудена да се соочи со темните тајни од своето минато и смртоносните суштества што доаѓаат од Онојсвет. Филмот ја проширува вселената од претходните филмови на Подмолно, носејќи нови ликови и нови закани.
Улоги
| Амелија Ив || Џема Хол |- | Брендон Переа || Ник Мендоза |- | Мејси Ричардсон-Селерс || Клер |- | Лин Шеј || Елис Рејнер |- | Сем Спруел || Сајрус Лам |- | Ајленд Остин || Маја Хол |- | Лора Гордон || Ингрид Хол
Наводи
Надворешни врски
Категорија:Филмови од 2026 година Категорија:Филмови на англиски јазик Категорија:Американски филмови Категорија:Американски хорор-филмови