Деми Ловато () (р. ) ― американска пејачка и глумица. Глумечката кариера ја започнала во 2002 година во детската телевизиска серија Барни и пријателите, а стекнала популарност со улогата на Мичи Торес во филмот „Камп Рок (Camp Rock)“ и неговото продолжение Камп Рок 2 (2010).
Во 2008 година Ловато потпишала договор со Hollywood Records и го издала нејзиниот прв студиски албум, Don’t forget. Потоа објавила уште седум студиски албуми: “Here we go again” (2009), “Unbroken” (2011), “Demi” (2013), “Confident” (2015), “Tell me you love me” (2017), Dancing with the Devil... the Art of Starting Over (2021) и Holy Fvck (2022).
На телевизија, Ловато имала главна улога во ситкомот Шансата на Сани (англ. Sonny with a Chance) (2009–2011), била судија во втората и третата сезона во музичкото натпреварување „Икс Фактор САД“ и имала повтолива улога во сериите: Glee (2013–2014) и ситкомот Вил и Грејс (2020). Таа, исто така, глумела во филмовите: Програма за заштита на принцезата (англ. Princess Protection Program) (2009), анимираната комедија „Штрумфови: Скриеното село“ (2017) и музичката комедија Евровизија: Приказната за огнената сага (2020).
Ловато продала над 24 милиони музички записи во САД и добила многу награди и признанија: една награда за музичко видео од MTV, 14 Награди по избор на тинејџерите, пет Награди по избор на народот, две Латиноамерикански музички награди, Гинисов рекорд и во 2017 година била вклучена на годишниот список Time 100. Нејзиниот активизам во борбите против нарушување во исхраната и против зависноста од опојни стедства добиле значително медиумско внимание, а исто така ги објавила мемоарите за самопомош „Да се остане силен: 365 дена годишно“ (англ. Staying Strong: 365 Days a Year) (2013) и ги објавила документарците: Деми Ловато: Едноставно комплицирано (2017) и Деми Ловато: Танцување со ѓаволот (англ. Demi Lovato: Dancing with the Devil) (2021).
Детство и почетоци на кариерата лево|thumb|200px|Деми во 2008 година Деметрија Девон Ловато е родена на 20 август 1992 година, во Албакерки, Ново Мексико. од поранешната мажоретка на Далас Каубојс, Дијана Де Ла Гарза и аранжерот и музичар Патрик Мартин Ловато. Таа има постара сестра, Далас Ловато, помлада полусестра, глумицата Медисон де ла Гарза и постара полусестра, Амбер, со која Ловато првпат разговарала на 20-годишна возраст. Нејзините родители се развеле во 1994 година, после нејзиниот втор роденден. Таткото на Ловато бил хиспанец, со претежно шпански и домородни американски предци, но исто така имал далечно португалско и еврејско потекло. Нејзината мајка имала ирско потекло.
Ловато детството го поминала во Далас. Почнала да свири пијано на седумгодишна возраст и гитара на десет години,"Biography Today", p.105. а истовремено почнала да зема часови по танцување и глума. Глумечката кариера ја започнала во 2002 година во детската телевизиска серија Барни и пријателите. Таа се појавила во Бегство од затворот (2006) и во Едноставно Џордан (англ. Just Jordan) во 2007 година. Поради нејзината актерска кариера, Ловато била задевана на училиште поради нејзините улоги и побарала домашно школување преку кое добила диплома за завршено средно образование.
Кариера
2007–2008: Пробив со филмот Камп Рок и албумот Don't Forget Од 2007 до 2008 година, Ловато ја глумела Шарлот Адамс во кратката серија Додека бијат камбаните (англ. As the Bell Rings). Во 2007 година Ловато била на аудиција за Дизниевиот ТВ-филм Камп Рок и за серијата Сони со шанса (Sonny with a Chance) и ги добила двете улоги. Во Камп Рок, Ловато го глумела главниот лик, пејачката Мичи Торес. Филмот бил премиерно прикажан на 20 јуни 2008 година пред 8.9 милиони гледачи. Саундтракот за филмот бил објавен три дена претходно; дебитирал на трето место на американската топ-листа за албуми, Билборд 200. Ловато, за саундтракот испеала четири песни, меѓу кои: „We Rock“ и „This Is Me“. „This Is Me, бил прв сингл на Ловато, успеал да се пласира на американската топ-листа за синглови, Billboard Hot 100, а подоцна се искачил на деветто место. Истото лето, Ловато потпишала договор со Hollywood Records и ја започнала нејзината турнеја „Demi Live! Warm Up Tour“, и била гостин на турнејата од Jonas Brothers „Burnin' Up Tour“.
Првиот студиски албум на Ловато, Don't Forget, бил објавен на 23 септември 2008 година и добил претежно позитивни критики од музичките критичари. Десет песни од албумот биле ко-напишани заедно со браќата Џонас. „Get Back" бил издаден како водечки сингл од албумот, а „La La Land“ бил втор и последен сингл од албумот.
2009-2010: Други Дизниеви улоги и втор албум Во февруари 2009 година, Disney Channel започнал со емитување на првата сезона од серијата Шансата на Сани (англ. Sonny with a Chance). Во серијата, Ловато глуми девојка која, благодарение на видеото за апликација, добива улога во нејзината омилена серија и поради тоа се сели од Висконсин во Холивуд. Во нејзиниот нов живот таа се соочува со многу проблеми поврзани со популарноста, но и во секојдневниот живот. Вкупно 21 епизода од првата сезона достигнале во просек речиси четири милиони гледачи по емитување.
Во јуни 2009 година, на американскиот канал на Дизни премиерно бил прикажан ТВ-филмот Програма за заштита на принцезата (англ. Princess Protection Program), во кој покрај Ловато глумела и Селена Гомез. Во филмот, Ловато глуми принцеза чија татковина е загрозена од диктатор, поради што преку Програмата за заштита на принцезата ја носат во Луизијана во САД. Таму живее под псевдоним со американското семејство и мора да ги извршува секојдневните работи. Филмот бил премиерно прикажан на 8,5 милиони гледачи, а исто така бил четврти највисоко оценет оригинален филм на Дизни каналот.
Вториот студиски албум на Ловато, Here We Go Again, бил издаден во САД во јули 2009 година. Дебитирал на прво место на Билборд 200 со 108.000 продадени единици во првата недела. За да го промовира албумот, Ловато се придружила на светската турнеја на Jonas Brothers за неколку концерти во Јужна Америка и Европа во мај и јуни. Од 21 јуни до 21 август имала концертна турнеја низ САД, насловена како Live in Concert. Во 2010 година ја започнала нејзината прва голема концертна турнеја, Demi Lovato Live in Concert. Во ноември, Ловато повторно се приклучила на Jonas Brothers за европските концерти од нивната светска турнеја.
Во март 2010 година, Disney Channel започнал со емитување на втората сезона од Шансата на Сани, која се состоела од 26 епизоди. Во мај, Ловато гостувала во шестата сезона од медицинската драма Вовед во анатомија. Таму Ловато глумела хоспитализирана девојка која боледува од шизофренија. Иако рејтингот на епизодата бил под просекот на сезоната, Ловато добила добри критики за нејзината изведбата и ја добила наградата „Омилена ТВ-ѕвезда-гостин“ од People's Choice..
Во септември 2010 година, на каналот Дизни бил прикажан филмот Камп Рок 2, а Ловато повторно ја глумела Мичи Торес. Премиерата ја виделе околу осум милиони луѓе. Саундтракот за продолжението бил објавен во август и, како и албумот за првиот филм, дебитирал на третото место во САД. За да ја промовира музиката од филмот, актерската екипа од филмот се приклучила на светската турнеја „Jonas Brothers Live in Concert“, која траела од август до ноември 2010 година. Ловато ја напуштила турнејата на крајот на октомври за да побара третман за „физички и емоционални проблеми“. Од есента 2010 година, таа повеќе не била под договор со Jonas Records, туку со Hollywood Records .
На крајот од 2010 година, Ловато се преселила во Шерман Оукс.
Дискографија Don't Forget (2008) Here We Go Again (2009) Unbroken (2011) Demi (2013) Confident (2015) Tell Me You Love Me (2017) Dancing with the Devil (2021) Holy Fvck (2022) It's Not That Deep (2025)
Видеографија
Спот Година Режисер Get back 2008 Филип Анделмен La La Land 2008 Брендан Малој,Тим Вилер Lo Que Soy 2009 Едгар Ромеро Don't Forget 2009 Роберто Халис Here We Go Again 2009 Брендан Малој,Тим Вилер Gift of a Friend 2009 Remember December 2009 Тим Вилер Make a Wave 2009 Skyscraper 2011 Марк Пелингтон Give Your Heart a Break 2012 Џастин Френсис Heart Attack 2013 Крис Ејплбум Made in the USA 2013 Деми Ловато,Рајан Палота "Let It Go 2013 Деклан Вајтблум Neon Lights 2013 Рајан Палота Really Don't Care 2014 Рајан Палота Nightingale 2014 Black Coffee Cool for the Summer 2015 Хана Лукс Дејвис Confident 2015 Роберт Родригес Waitin for You 2015 Black Coffee Stone Cold 2016 Патрик Еклезајн Sorry Not Sorry 2017 Хана Лукс Дејвис Instruction 2017 Ози Пулин Échame la Culpa 2017 Карлос Р. Перес Tell Me You Love Me 2017 Марк Пелингтон I Believe 2018 Хана Лукс Дејвис Fall In Line 2018 Лук Гилфорд Solo 2018 Грејс Чато,Џек Патерсон I Love Me 2020 Хана Лукс Дејвис I’m Ready 2020 Џора Францис OK Not To Be OK 2020 Хана Лукс Дејвис OK Not To Be OK (Duke & Jones Remix) 2020 Дејвид Ланч Commander in Chief 2020 Director X. What Other People Say 2021 Dano Cerny Dancing with the Devil 2021 Деми Ловато,Michael D. Ratner Melon Cake 2021 Хана Лукс Дејвис Breakdown 2021 Daniel CZ Skin of My Teeth 2022 Ник Харвуд Substance 2022 Still Alive 2023 Swine 2023 Fast 2025 Here all Night 2025 Хана Лукс Дејвис Let's Kiss 2025 TBA 2026
Нејзини напознати песни се: „Ла Ла земјата“, „Едни и исти“ (дует со Селена), „Верувај во мене“, „Запомни го декември“, „Јас себеси и времето“, „Поправи срце“, „Прати го“ (со повеќе Дизниеви ѕвезди), „Еве одиме повторно“ итн.
Други активности Деми Ловато е позната и како судијка на реалното шоу „Х-фактор“. Исто така, таа се занимавала и со хуманитарна работа која, според нејзината изјава за магазинот „Алур“ ја исполнувала повеќе отколку музичките настапи.„Хуманитарната работа ме исполнува повеќе од пеењето“, Дневник, година XVIII, број 5646, петок, 19 декември 2014, стр. 25.
Наводи
Надворешни врски Официјална страница на Фејсбук Твитер профил на Деми Ловато
Категорија:Американски пејачи Категорија:Живи луѓе Категорија:Американски феминистки Категорија:Американски поп-пејачки