Илинка Митрева ( во Скопје — во ) — македонска политичарка и универзитетска професорка, поранешна министерка за надворешни работи на Македонија и пратеничка од редовите на СДСМ.
По дипломирањето на Филолошкиот факултет во Скопје - група, смер романска филологија во 1973 година, таа магистрирала на Филолошкиот факултет во Белград, а потоа и докторирала на Филолошкиот факултет во Скопје.
Од 1974 до 2001 година, таа работела како помлад асистент, доцент и шеф на Катедрата за романски јазици и книжевност на Филолошкиот факултет во Скопје. Митрева била професорка по француска книжевност на Катедрата за романски јазици и книжевност од 23 ноември 2001 до 31 октомври 2002 година. Таа била авторка на повеќе стручни и научни трудови.
Функцијата пратеник во Собранието на Република Македонија ја извршувала од 1994 до 2001 година. Митрева била претседателка на Комисијата за надворешна политика и шеф на Делегацијата на Македонија во Парламентарната димензија на Централно европската иницијатива, шеф на собраниската Група за соработка со Европскиот Парламент и член на Иницијативниот одбор за создавање клубови на НАТО.
Од 13 мај до 23 ноември 2001 била министерка за надворешни работи на Република Македонија. По победата на СДСМ на парламентарните избори во 2002 година повторно е назначена на оваа функција од 1 ноември 2002 година.
Наводи
Категорија:Политичари од Скопје Категорија:Македонски универзитетски професори Категорија:Состав на Владата на Република Македонија од 2002 Категорија:Состав на Владата на Република Македонија од 2004 Категорија:Министри за надворешни работи на Македонија Категорија:Политичари од СДСМ Категорија:Апсолвенти на универзитетот „Св. Кирил и Методиј“ Категорија:Магистри на Белградскиот универзитет Категорија:Доктори на Филолошкиот факултет „Блаже Конески“ - Скопје