Минангкабајски јазик (Baso Minangkabau; ) — австронезиски јазик што го говори народот Минангкабау во Западна Суматра, западниот дел на Ријау, на југот на Ачех, северот на Бенкулу и Џамби, како и од доселениците во неколку града низ Индонезија.Kajian Serba Lingustik : Untuk Anton Moeliono Pereksa Bahasa (2000) Јазикот претставува и лингва франка долж западното крајбрежно подрачје на покраината Северна Суматра. Се говори и во извесни делови на Малезија, особено во сојузната држава Негери Сембилан.
Поради големите граматички сличности помеѓу минангкабајскиот и малајскиот, статусот на нивното сродство е спорен. Некои го сметаат за дијалект на малајскиот, додека други тврдат дека е посебен јазик од истата група.
Дијалекти Јазикот има неколку дијалекти кои напати се разликуваат и од село до село (на пр. преку река). Тие се: рао мапат тунгул, муаро сунгај лоло, пајакумбух, панкалан-лубук алај, агам-танах датар, панчунгсоал, котобару, сунгај бендунг аир и карангањар.Nadra, Reniwati, and Efri Yades, Daerah Asal dan Arah Migrasi Orang Minangkabau di Provinsi Jambi Berdasarkan Kajian Variasi Dialektikal (2008) Во секојдневното општење, членовите на народот Минангкабау од разни области го користат дијалектот агам-танах датар (наречен Baso Padang или Baso Urang Awak = „нашински јазик“) кој има улога на стандард.
Поврзано Минангкабау Малајски јазици
Наводи
Категорија:Аглутинативни јазици Категорија:Малајски јазици Категорија:Јазици во Индонезија Категорија:Јазици во Малезија