Ток Писин (Tok Pisin) — креолски јазик кој се зборува во Папуа Нова Гвинеја. Ток Писин е службен јазик во земјата и е најзборуван во државата. Овој јазик го користат од 5 до 6 милиони луѓе, но сепак јазикот приближно го зборуваат сите жители на државата.
Потекло на поимот Името на јазикот потекнува од англиските зборови „talk“ (tok на ток писин) и „pidgin“ (pisin на ток писин). Многу ретко јазикот се именува како новогвинејски пиџин, или во академските извори меланезиски пиџин,Eg F. Mihalic SVD, The Jacaranda Dictionary and Gramar of Melanesian Pidgin, Milton, QLD, Australia: Jacaranda Press Pty Ltd, 1971. меланезиски англиски пиџин или неомеланезиски. Сепак, ток писин е најкористено име за јазикот. Иако порано јазикот се сметал за пиџин, денес тој е посебен јазик, најмногу поради тоа што има луѓе на кои јазикот им е мајчин и е лингва франка во Папуа Нова Гвинеја.
Класификација
Ток Писин се развил како резултат на меѓусебната комуникација на различните народи, кои отишле да работаат на плантажи во Квинсленд, Австралија. Луѓето почнале да користат една јазична мешавина заснована на англискиот. Оваа рана фаза на развојот е позната како пиџин. Јазикот претежно има зборови од англискиот, но и од германскиот, малајскиот, португалскиот и абориџинските јазици.
Официјален статус
Јазикот е службен во Папуа Нова Гвинеја, заедно со англискиот и хири моту. Јазикот често се користи во Националното собрание на Папуа Нова Гвинеја. Повеќето од документите на владата се на англиски, но јавните кампањи во државата се на ток писин. Во образовниот систем англискиот е основен јазик, но и ток писин се користи во некои училишта.
Фонологија
Фонологијата на ток писин е слична со таа на јазикот од кој произлегол (англиски), но значително упростена. Така јазикот има 16 согласки и 5 самогласки.
Согласки
УснениПредно-јазичниПредно-непчениЗадно-непчениГласилни Избувни Струјни Носни Странични Приближни Вевни
Кога симболите се во парови, левиот претставува безвучна согласка. , и можат да бидат забни или венечни согласки, а само венечна. Кај највеќето дијалекти, фонемата се изговара како венечната едноударна согласка .
Самогласки
Предни Средни Задни Затворени Средни Отворени
Пример
„Оче наш“ на ток писин:
Papa bilong mipela Yu stap long heven. Nem bilong yu i mas i stap holi. Kingdom bilong yu i mas i kam. Strongim mipela long bihainim laik bilong yu long graun, olsem ol i bihainim long heven. Givim mipela kaikai inap long tude. Pogivim rong bilong mipela, olsem mipela i pogivim ol arapela i mekim rong long mipela. Sambai long mipela long taim bilong traim. Na rausim olgeta samting nogut long mipela. Kingdom na strong na glori, em i bilong yu tasol oltaim oltaim. Tru.„Оче наш“ на англиски (споредба):
Our father, who art in heaven, hallowed be thy name. Thy kingdom come, thy will be done on earth as it is in heaven. Give us this day our daily bread, and forgive us our trespasses as we forgive those who trespass against us. Lead us not into temptation, but deliver us from evil, for thine is the kingdom, the power, and the glory, now and forever. Amen
Поврзано
Папуа Нова Гвинеја Креолски јазик Бислама
Наводи
Литература
Надворешни врски Преводи, ресурси и дискусии за ток писин Библиографија на ток писин Историја, зборовен фонд, гласови и граматика на ток писин Етнолог за ток писин Радио Австралија: ток писин Народни приказни на ток писин
Категорија:Пиџини и креолски јазици Категорија:Јазици во Папуа Нова Гвинеја