Могила — археолошко наоѓалиште во кривопаланечкото село Отошница. Претставува некропола и могила од римското време. На 23-тиот км од патот Крива Паланка-Куманово, од неговата десна страна има могила која е делумно оштетена со изградбата на патот. Нејзините димензии се 36 × 25 м во основата и зачувана висина од 3,5-4 м. Со заштитните ископувања, извршени во 1988-90 година, од страна на Музејот на Македонија била истражена една половина од могилата при што биле откриени 32 гроба, со кремирање и скелетно погребување. Таму биле најдени керамички и стаклени садови, предмети од коска, железо, сребро, монети и друго од I до IV век.
Поврзано Аниште — населба од доцноантичкото време; Градиште — градиште од доцноантичкото време; Грамади — населба од доцноантичкото време; Лиске — населба од доцноантичко време; Отошница; Список на археолошки наоѓалишта во Кривопаланечко; Список на средновековни некрополи во Македонија.
Наводи