mini|Animasjon som viser korleis wankelmotorens verker. Wankelmotor er ein eksentrisk rotasjonsmotor utvikla av Felix Wankel og Hanns Dieter Paschke for NSU-konsernet. Han skil seg frå stempelmotorar med linear rørsle ved å ha ein trekanta rotor som går rundt i eit hus forma som ein epitrokoide. Wankelmotoren arbeider etter firetaktsprinsippet
mini|venstre|Gjennomskoren wankelmotor.
Felix Wankel fekk sitt første patent på ein motor i 1929, og tidleg på 1950-talet byrja han arbeida for NSU. I 1957 hadde han klar ein protoyp, ein DKM-motor (Drehkolbenmotor). Same året hadde Paschke utvikla ein KKM-motor (Kreiskolbenmotor).
Wankelmotoren blei brukt av NSU i bilen NSU Wankel Spider frå 1964, og seinare i NSU Ro 80, men på grunn av tekniske problem blei ikkje dette nokon suksess. Mazda nytter framleis motoren i sine sportsbilar, til dømes i Mazda RX-7 og Mazda RX-8. Norton Motorcycle Company og Suzuki brukte også motortypen i sine motorsyklar. I 1975 tok Dolmar til å produsera ei motorsag, KMS4, med wankelmotor.
Kjelder
Sarsten, Arthur. «Wankelmotor» (3. august 2013), Store norske leksikon.
Denne artikkelen bygger på «Wankelmotor» frå , og «Wankel engine» frå den 11. januar 2015.
Kategori:Forbrenningsmotorar Kategori:Tyske oppfinningar