«Running Free» er debutsingelen til Iron Maiden, og vart gjeven ut 8. februar 1980. Han var skriven av Steve Harris og Paul Di'Anno. Songen kom ut som det tredje sporet på debutalbumet deira, Iron Maiden. I 1985 vart eit konsertopptak av songen gjeve ut som den første singelen frå Live After Death (den 12. singelen til bandet). I 1990 vart den originale singelen gjeven ut på ny, mellom anna på CD og 12" vinyl, som ein del av The First Ten Years, der han vart kombinert med den neste singelen til bandet, «Sanctuary». Konsertversjonen frå 1985 vart òg gjeven ut som ein del av denne boksen, kombinert med «Run to the Hills» frå 1985.
Bakgrunn I følgje vokalisten Paul Di'Anno, som skreiv teksten til songen, er han «ein særs sjølvbiografisk song, men eg har sjølvsagt aldri vore ei natt i eit fengsel i LA. Han handlar om å vere 16, og som songen seier, springe løpsk og fritt. Han kjem frå dagane mine som skinhead.» Songen er kjend som ein av dei meir tradisjonelle rockesongane til bandet, som Mick Wall skildra som «Iron Maiden ved punk-metal-oppstandinga deira,» og vert framleis spelt på konsertane til bandet i dag.
Singelomslaget var første gongen maskoten til Iron Maiden, Eddie, sjølv om andletet hans er skjult, sidan bandet ikkje ønskte å avdekke han før albumet kom ut. Fleire bandnamn (som Scorpions, Judas Priest, AC/DC, Sex Pistols og Led Zeppelin) er spraya på veggen bak ungdomen på biletet, i tillegg til orda «Hammers», ei hyllest til West Ham United. Ironisk nok var plateomslaget til live-singelen den første som ikkje hadde Eddie, sidan det syner eit verkeleg bilete av bandet som spelar på scenen.
B-sida «Burning Ambition» vart spelt inn seint i november 1979http://forum.maidenfans.com/threads/iron-maiden-autumn-1979-studio-recordings.25888/ i Wessex Studios med produsenten Guy Edwards som eit firemannsband, like før Dennis Stratton og Clive Burr kom inn i bandet, og er ein av dei første songane Harris skreiv, i tida då han spelte i Gypsy's Kiss. Det er ein av få innspelingar med Doug Sampson på trommer. Gitarsoloen i songen vert spelt av Dave Murray. Songen kom ikkje ut på albumet, men var med på B-sidesamlinga i plateboksen Eddie's Archive, og vart nytta i filmen The History of Iron Maiden – Part 1: The Early Days.
Den første singelen til Iron Maiden i Japan hadde «Prowler» som A-sida og «Running Free» som B-sida. Omslgaete var ei sensurert utgåve av omslaget til singelen «Sanctuary».
Innhald 1980 7" UK singel
1980 7" japansk singel
1985 7" live-singel
1985 12" live-singel
Medverkande
1980-singelen Frå omslaget, og The First Ten Years. Paul Di'Anno – solovokal Dave Murray – gitar Dennis Stratton – gitar & korvokal, berre på «Running Free» Steve Harris – bassgitar & korvokal Clive Burr – trommer på «Running Free» Doug Sampson – trommer på «Burning Ambition» Production Wil Malone – produsent Gary Edwards – produsent («Burning Ambition») Derek Riggs – illustrasjon Ross Halfin – fotografi
1985 live-singel Frå omslaget til 12"-singelen. Iron Maiden Bruce Dickinson – vokal Dave Murray – gitar Adrian Smith – gitar, korvokal Steve Harris – bassgitar, korvokal Nicko McBrain – trommer Production Martin Birch – produsent, lydteknikar, miksing Ross Halfin – fotografi
Lister
Singel Liste (1980) Plassering Album«Running Free» UK Singles Chart 34 Iron Maiden Singel Liste (1985) Plassering Album«Running Free (Live)» Irish Singles Chart12 Live After Death UK Singles Chart19 Singel Liste (1990) Plassering Album «Running Free / Sanctuary» UK Albums ChartNyutgjeving av alle fire singlane som ein del av The First Ten Years. Var lengre enn tidsgrensa til UK Singles chart. 10—«Running Free (Live) / Run to the Hills (Live)» 9
Fotnotar
Kjelder Denne artikkelen bygger på «Running Free» frå , den 22. august 2016. oppgav desse kjeldene:
Bakgrunnsstoff
Kategori:Iron Maiden-songar Kategori:Songar frå 1980 Kategori:Singlar frå 1980 Kategori:Debutsinglar frå 1980 Kategori:Songar skrivne av Steve Harris Kategori:EMI Records-singlar