Torarin Skeggjason (Norrønt: Þórarinn Skeggjason) var ein islandsk skald som levde på midten av 1000-talet.
I SkaldatalSkáldatal på norrønt, frå is.wikisource er han ført opp som skald hos kong Harald Hardråde (1015-1066), men elles kjenner vi ikkje til noko om livet hans. Det er blitt drøfta om han kunne vere identisk med Torarin, bror til lovseiemannen og skalden Markus Skeggjason, slik det er nemnt i historieverket «Islendingaboka»Íslendingabók av Ari Þorgilsson (Wikisource).
Det einaste diktet som er bevart av Torarin Skeggjason, er eitt vers av ei dråpaHaraldsdråpa av Torarin Skeggjasson (Skaldic Project) om Harald Hardråde.
Torarin sitt dikt omtalar hendinga då kongen i Grekenland (Grikklands stólþengill) vart blinda, og dette samsvarer òg med eit vers i diktet «Sexstefja»Sexstefja av Tjodolv Arnorsson av Tjodolv Arnorsson. Snorre utdjuper hendinga i soga om Harald Hardråde, der han opplyser at det var Harald som utførte udåden, men opplyser feilaktig at denne «kongen» var den bysantiske keisaren Konstantin Monomachos (1042-1054). I røynda var det føregjengaren hans, Mikael KalafatesMichael V Calaphates Encyclopædia Britannica som vart blinda (han var keisar i tida 1041–1042).
Referansar
Bakgrunnsstoff
Kategori:Islandske skaldar Kategori:Folk frå vikingtida Kategori:Islendingar frå norrøn tid Kategori:Folk i Skaldatal