Atanarjuat er ein canadisk film frå 2001, laga av og med inuittar, basert på ei gammal inuittsoge. Han har namn etter hovudkarakteren Atanarjuat frå Igloolik, og går føre seg ein gong i fortida. Filmen blei regissert av Zacharias Kunuk. Han var den fyrste spelefilmen skriven, regissert og spelt inn på inuktitut.
Atanarjuat hadde premiere ved filmfestivalen i Cannes i mai 2001, der han vann Caméra d'Or. Han blei gjeven ut i Canada 12. april 2002. Filmen vann seks Genie-prisar, inkludert beste film. I 2015 blei han røysta til den beste kanadiske filmen nokonsinne av filmmakarar og kritikarar ved Toronto internasjonale filmfestival.
Filmen hadde også kommersiell suksess. Han blei den mest inntenande filmen i Canada i 2002, og tente inn over 5 millionar US-dollar på verdsbasis.
Rolleliste Natar Ungalaaq – Atanarjuat Sylvia Ivalu – Atuat Peter-Henry Arnatsiaq – Oki Lucy Tulugarjuk – Puja Madeline Ivalu – Panikpak Eugene Ipkarnak – Sauri
Kjelder
Denne artikkelen bygger på «Atanarjuat: The Fast Runner» frå , den 4. desember 2022.
Kategori:Filmar frå 2001 Kategori:Kanadiske filmar Kategori:Inuittkultur