Edith Thora Thallaug (), også omtala som Edith Thallaug-Benczy, var ein norsk songar (mezzosopran), skodespelar og krimforfattar.
Liv og virke Bakgrunn Edith Thallaug var dotter av songaren Rolf Thallaug (1903–1991) og kona hans Marta Marie Halvorsen (1900–1987).«Edith Thallaug», Norsk biografisk leksikon. Lest 14. juni 2020. Ho var systera til artisten og skodespelaren Anita Thallaug.
Virke Thallaug byrja karriereen som skodespelar ved Studioteatret og Nationaltheatret. Som songar blei ho fyrst tilsett ved Gøteborgoperaen i 1960. Frå 1964 var ho tilknytt Stockholmsoperaen. Ho blei utnemnd som hovsångerska i 1976.Stiftelsen Kungliga Theatern, internettside besøkt 10. desember 2014 I Stockholm hadde ho store roller som Carmen, Octavian i Rosenkavaleren og Amneris i Aida. På Den Norske Opera spela ho Askepott av Rossini og song også i Rosenkavaleren, Aida, Carmen og Hertug Blåskjegg. I 1959 heldt ho sin fyrste liederaften i Oslo. Sidan hadde Thallaug gjestespel ved Glyndebourneoperaen, Edinburgh-festivalen, La Fenice og La Scala, og heldt konsertar i USA, Russland, Korea, Israel og Japan.Ole Böhn: Edith Thallaug - Minneord i Aftenposten 25. juni 2020 Ho medverka også i fleire TV-førestillingar og plateinnspelingar.
Under pseudonymet «Edith Rolfsen» gav Thallaug i 1950 ut kriminalromanen Den myrdede lever.
Thallaug var gift fleire gongar. Først med fiolinist og konsertmeister Bjarne Gullov Larsen (1922–2002), deretter med songar og regissør Ulf Björkegren og endeleg med fiolinist og konsertmeister Josef Benczy (fødd 1930).
Prisar og utmerkingar 1971/1972 – Mottakar av Musikkritikerprisen 1976 – Utnemnd til svensk hoffsongar («hovsångare») 1977 – Mottakar av Griegprisen 1983 – Mottakar av den svenske utmerkinga Litteris et Artibus 1983 – utnemnd til riddar av 1. klasse av St. Olavs Orden
Kjelder
Denne artikkelen bygger på «Edith Thallaug» frå , den 22. mars 2023.
Bakgrunnsstoff Edith Thallaug hos Norsk Biografisk Leksikon Edith Thallaug hos Nationaltheatret Edith Thallaug hos Svensk Filmdatabas Edith Thallaug hos Discogs Edith Thallaug hos MusicBrainz Edith Thallaug hos Rockipedia Edith Thallaug hos Internet Movie Database Edith Thallaug hos The Movie Database Edith Thallaug hos Operasolisterna
Kategori:Norske operasongarar Kategori:Norske skodespelarar Kategori:Norske kriminalforfattarar Kategori:St. Olavs Orden Kategori:Mottakarar av Litteris et Artibus Kategori:Vinnarar av Kritikerprisen Kategori:Folk frå Bærum