Nesophlox er ei biologisk slekt av fuglar i ordenen seglarfuglar (Apodiformes), i kolibrifamilien Trochilidae. Slekta omfattar berre to artar, begge er heimehøyrande på Bahamas.
Namnet Nesophlox kjem frå gresk: nēsos som tyder «øy», og phlox som tyder «eld» eller «flamme».
Kjenneteikn
Dei to kolibriartane i denne slekta er svært like og har tidlegare vorte behandla som same art, men skil seg gjennom ulik læte og paringsåtferd. Dei måler mellom 7,8 og 8,2 cm i lengd. Hannane har eit kort, svakt nedoverbøygd svart nebb, iriserande grøn rygg, ein liten kvit flekk bak auget, fiolett til purpurraud glinsande strupeflekk, kvitaktig bryst, raudbrun buk med grøne innslag, raudbrune kroppssider og ein djupt kløyvd stjert. Hone har matt grøn overside, bleikgrå strupe med små grøne prikkar, kvitaktig bryst og raudbrun buk. Stjerten er avrunda.
Systematikk og taksonomi
Det feminine slektsnamnet Nesophlox vart føreslått av ornitologen Robert Ridgway i 1910. Typearten vart Trochilus evelynae, som no heiter Nesophlox evelynae, bahamaskolibri.
Fylogenetiske studiar viste at dei tidlegare artane Calliphlox evelynae og Calliphlox lyrura frå Bahamas dannar ein klade saman med slektene Mellisuga og Archilochus, og vart difor overførte til den attoppretta slekta Nesophlox. På den andre sida danna Calliphlox bryantae og Calliphlox mitchellii ein annan klade saman med slektene Eulidia, Microstilbon og Chaetocercus, og vart difor overførte til den gjenoppretta slekta Philodice.
Artsoversyn Slekt Nesophlox i rekkjefølgje etter IOC World Bird List V15.1, 2025, med norske namn etter Norske navn på verdens fugler. Verdas naturvernunion, IUCN, har vurdert begge artane som livskraftige: Bilete Norsk namn Vitskapleg namn Autor Utbreiing 140pxBahamaskolibriNesophlox evelynae(, 1847)150px140pxInaguakolibriNesophlox lyrura(, 1869)150px
Kjelder
Første versjon av denne artikkelen var basert på «Nesophlox» frå , den 16. juni 2025
Referansar
Bakgrunnsstoff
Kategori:Kolibrifamilien Kategori:Fuglar i Karibia Kategori:Fugleslekter